Quum sponsus vigilia nuptiarum sponsam convenit, linteolum istud digito circumvolvit, atque periculum virginitatis instituit. Sanguis linteolum maculis cruentans fit insigne ac testimonium sponsi autographum virginitatis sponsae intemeratae atque comprobatae, necnon tessera eius in uxorem accitae. Ipsum linteolum, manu sua cruenta quasi sigillo signatum, parentibus, qui illud, tamquam indubitatum castitatis filiae suae virginalis servatae testimonium, insimul et pignus sacri foederis sui connubii custodiant, thesauri instar recondendum redditur. Receptio pignoris evidentiaeque tarn castitatis illibatae quam matrimonii iuncti, inter amicos, qui prae foribus cubiculi nuptialis adventum linteoli praestolantur, causa exsistit gaudii laetitiaeque exsultantis. Verumenimvero si nec manamen sanguinis, nec rubrum manus cruentatae vestigium occasione istiusmodi se prodiderint, turba amicorum in limine conclavis nuptialis praestolantium, loco exsultationis laetae moerore tristi luget atque plangorem eiulatumque saevum ciet; aut vero silentium, eloquens luctus indicium, inter eos regnat, nam dolor est illatus domui decore honoris orbatae, cuius parem ne mors ipsa quidem gignere possit. Si res sic se habent, sponsa libello repudii, absque vinculo connubii, a sponso dimittitur. Ast si digitus suus tactu cruore manante contaminetur, ab ipso eo momento sua fit uxor, etiamsi consummatio coniugii, ut moris est, ad usque triduum aut hebdomadem differatur.[646] Id quod foedus inter se suamque sponsam figit atque sancit, est cruoris tactu sponsi eliciti profluvium. Meatum in penetralia suae essentiae incisione aperiens, sponsus “caedit foedus” cum ea in conspectu sui Creatoris, ad litteram.[647] Sponsus “nocte nuptiarum sanguinem virginalem offerens,” fit sponsus sanguineus, “khatan damim.”[648] In hoc rerum statu divulsio est quod coniungit, atque vestigium manus cruentum est quod instrumentum foederis subministrat. Sponsus, loco proprii digiti ansa interdum clavis ianuae ligneae pristinae, specie digito simili, quae linteolo hoc obvolvitur, examen instituit, eo quod haec, _aperiendo_ penetralia intemerata, quae penetrare[649] praeter se liceat nemini, actum _reseratus_ imagine quadam symbolica significet. Signaculum tamen cruentum in linteolo utroque in casu eiusdem omnino est momenti. Pari modo camisia sponsae communis, loco mucinii vel telae, soluit notam manus cruentae recipere, quae ut testimonium matrimonii identidem custodiri consuevit. Caeterum hae sunt moris vigentis variationes exiliores, nec quae referantur dignae, nisi ut declarent, quam sint testimonia variorum, qui haec perhibuerint, secum pugnantia.[650] ----- Footnote 645: See p. 196, _supra_. Footnote 646: Vide Lane’s _Mod. Egypt._, II, 241; item Skertchley’s _Dahomey As It Is_, p. 499. Footnote 647: