Le sieur de Montluc charge davoir intelligence avec le Roy despaigne pour mettre en ses mains le pais de Guienne de quoy il reste accuse envers le Roy de France et la Royne sa mere par le sieur de Peres en Quercy et son filz le sieur de Marchassetel beau frere du sieur de Crussol qui ont envoye tout expres ung gentilhomme en court a ceste fin instruit de lettres et memoires par lesquelles est porte que le seneschal de Quercy a dit ausdits sieurs de Peres et Marchassetel quil avoit este solicitte de faire mutiner la ville de Montaubain a fin de donner occasion audit de Montluc de la piller se plaignant que ses services nestoient recongneuz mais quil sen vengeroit et plusieurs autres propos sembles quilz veullent maintenir avoir este proferez par ledit de Montluc qui est aussi charge de sestre assemble lieu ung lieu nomme Granale distant quatre lieues de Tholose avec le cardinal Darmaignac et ung seigneur despaigne pour conferer de cest affaire d aultre part que les prelats de Guyenne et Languedoc ont fait certaines assemblees et accorde entre eulx quelques levees de deniers et contribucions necessaires a cest entreprise et ont deputte secrettement levesque de Lodene vers le roy despaigne. Le seneschal de Quercy arrivant nagueres en court adverti de ce que dessus se veult purger a levesque de Vallence frere dudit sieur de Montluc disant ne scavoir que cestoit et quon le mettoit a tort en cest affaire. Toutesfoys ledit sieur de Vallence homme collere de son naturel et passionne et laffaire de son frere aisne estant de telle consequence obtient du roy que lesdits seneschal de Quercy et gentilhomme seroient ouis au conseil prive ou le seneschal a nye publicquement ce que dessus Neantmoings le bruit est quen particulier parlant a la royne luy aie dit beaucoup de grandes choses. Le gentilhomme apersevere monstrant sesdites lettres et memoires et quil estoit prest se rendre prisonnier ou submettre a telle autre peine pour soustenir son dire. Comme aussi feroient ceulx qui lavoient envoye lesquelz viennent maintenant en court pour maintenir tout le contenu desdites memoires et proposer plusieurs aultres griefs contre ledit de Montluc tel est le bruit la royne apres avoir ouy lesdits seneschal et gentilhomme depesche ung nomme Duplessis varlet de chambre du roy vers ledit sieur de Montluc. Pour entendre la veritte lequel de Montluc au lieu de se purger commenca a hault louer ses faicts et services et a se plaindre de la mescognoissance quen avoit le roy et dont pouvoit venir quon soubson de luy et mauvaise oppinion que sestoit tousjours honnestement acquicte des charges quon luy avoit donnees. Bien aict confesse avoir parle a Granale avec le Cardinal Darmagnac mais que cestoit en passant chemin pour aller a Tholose et communicquer avec luy des affaires du roy ou lon dit sestre trouve ou ung nomme Don Pierre de Navarre bastard dalbert evesque de Cominges. Ce quencores est trouve mauvais pour ce que lun et lautre nen ont rien escript au roy ny a la