royne. Pourquoy sont mandez en court lesdits de Montluc et Marchassetel pour se representer devant leurs maiestez. Cest la cause pourquoy le sieur de Montluc a envoye cartel contre tous ses adversaires &c. disant que tous ceulx que vouldront maintenir quil aict intelligence avec le roy despaigne ont menty sauf et excepte les princes du sang et autres ses superieurs ausquelz il doit honneur et reverence quil est prest de les combatre a toutes sortes darmes en quoy il espere ne faire moings de devoir que il navoit que vingt ung ans &c. [_No signature_] [_No address_] [Endorsed] 27º Martii. Informacion contre Mons^[r] de Monluc. APPENDIX IX [P. 303, n. 2] BIBLIOTHEQUE NATIONALE FONDS FRANÇAIS, MS. NO. 3,197, F^[O] 92, RECTO [_The Cardinal’s War_] [2 juillet 1565] [_Au dos_] Coppie. De Mons^[r] de Salzede à Mons^[r] d’Auzances, du II^[e] Juillet 1565. Cause de l’empeschement faict à Monseigneur le Cardinal par le S^[r] de Salcede. Monsieur, comme le diable qui ne cerche jamais que de mectre des choses en avant, il est survenu que, estant arrivé Monseigneur le cardinal de Lorraine a Ramberviller, ses officiers m’ont dict aultre commandement de publier et attacher par touttes les villes et chastellenyes la protection et sauvegarde qu’il a recouvert de l’Empereur, le double de laquelle je vous envoye signé et collationné de son chancellyer. Et avec cela, je suis esté adverty de bon lieu certainement qu’il veult et a despeché capitaines pour mettre ès place lesquelles je conserve il y a environ dix ans aux despens du Roy et avec ses soldatz; et veoir à ceste heure ung remuement devant moy avec ceste saulvegarde et[1761] une particularité que je sçay je ne suis deliberé de le souffrir que premièrement le Roy et la Royne ou vous (comme les representans) vous n’ayez bien pensé le faict et la consequence que cela peult advenir pour l’advenir.[1762] Je vous asseure, Monsieur, que je suis bien mary qu’ayant tant faict de services à Monseigneur le Cardinal et à sa maison, comme tout le monde sçayt bien, il[1763] me contraigne pour mon honneur de thumber en sa malle grace. Et quant luy au aultre vouldront mectre quelques particularitez en avant, vous vous bien asseurer avec tous mes seigneurs et amys que je mouray et me coustera ma vye et mon bien que je ne serviray jamais aultre que à monseigneur et roy, auquel je suis tant tenu. S’il vous plaist de me envoyer la coche de madame d’Auzances[1764] par Florymont,[1765] je vous envoyeray à Metz en charge ma femme et enffans avec le peu de bien que j’ay en France, pour vous asseurer que je ne feray jamais chose qui ne soit pour le service du Roy, synon pour sa grandeur et authorité. Et, en ce pendant que j’aurai de voz nouvelles, j’entretiendray les choses en l’estat que j’ay deliberé, avec la plus grande modeste que je pouray, sy je ne suis contrainct aultrement. Et sur ce, je me recommande de bien bon cuer a vostre bonne grace et prye Dieu