Laisseront aussy les armes et separeront toutes leurs autres forces tant de pied que de cheval par mer & par terre se retireront chacun en leurs maisons qon bon leur semblera incontinent apres la conclusion de ladite paix pour la ou ilz seront vivre paisiblement. Les seuretez de la paix estans bonnes se departiront voluntairement des armees, mais ilz se ressentent de plus de dix mil hommes des leurs qui ont esté cruellement meurdriz aux dernières troubles obeissans a ung semblable article que cestuy. Partant il est necessaire que sa Ma^[te] y pourveoie. Remectront entre les mains du Roy ou de ceulx quil commectra les villes chasteaux & places quilzdetiennent pour le present et en feront sortir les forces quilz y ont y déllaissant semblablement lartillerie & autres munitions qui sont en icelles, au pouvoir de ceulx qu’ordonnera sadite Ma^[te]. Et generallement restitueront de bonne foy a sadite Ma^[te] ou a ceulx quil commectra toutes les choses a elle appartenantes qui se trouveront encores en nature soit es villes & places quilz tiennent ou autres lieux quilz soient ou par mer ou par terre. Faict a Angiers le iiij^[e] jour de Feburier 1570. Ainsy signe CHARLES et au dessoubz DE LAUBESPINE. Quant a ces deux ar^[cles] la paix estant asseuree feront ce quilz promectront. Toutesfois lexperience a monstre a Orleans, Auxerre, Autun, Vallence, Montpellier et autres villes comment sil ne plaist a sa Ma^[te] de pourveoir a lestat de gouverneurs de gens dautre humeur que ceulx qui ont este commis au gouvernement des places depuis les secondes troubles il seroit beaucoup plus expedient aux poures habitans des villes de mourir vaillamment a la breche que de voir devant leurs yeulx les horribles meschancetez quilz ont veues, et qui sont telles que nous avons honte seullement de les nommer. [_Not signed_] [_Endorsed in Burghley’s hand_] 8 Martii 1569 (1570). Respons to the articles of the fr. K^[es] answer to the Q. of Navarrs Deputees. APPENDIX XXI [P. 396, n. 2] STATE PAPERS, FOREIGN ELIZABETH, VOL. CXV, NO. 990 Distribution des gouvernementz d’aulcunes Provences en France dernièrement faict par les Protestantz et Premierement Le Segneur de Montbrun general pour le pais de daulphine et Provence, Monser de S^[t] Romain general pour le duche de Nismes, Montpellier. Mande, Vivaretz, Uses, et le puis avec 600 livres en pention per chascun moys 200 harquebusiers et trois cornettes de Cavallerie. Le vicounte de Paulin pour les duches d’alby, Castres, S^[t] Pol, Carcassonne, Narbonne, Bessiers, Aix et Lodesve. Le S^[r] de Serignac Montauban et tout le pais bas, Quercy, Agenois, diocese de Thoulouse, Rioux, La Nur Mereboix et Albert. Le Cap: de Guynieres pour les dioceses de Palmes Costrance Comiges, et toute la counte de Foix. Le Baron darroy les pais de Ricaon, Besomiris, Cascogne et Armignac. Le Viconte de Pimal toute la seneschalce d’avergne.