"And I saigh [saw] newe heuene and newe erthe; for the firste heuene and the firste erthe wenten awei; and the see is not now. And I ioon [John] saigh the hooli citee ierusalim newe comynge doun fro heuene maad redi of god as a wyf ourned to hir husbonde. And I herde a greet voice fro the trone seiynge [saying], lo a tabernacle of god is with men, and he schal dwelle with hem, and thei schulen be his peple, and he, god with hem, schal be her [their] god. And god schal wipe awei ech teer fro the ighen [eyes] of hem, and deeth schal no more be, neithir mournyng neither criyng neither sorewe schal be ouer, whiche thing is firste [first things] wenten awei. And he seide that sat in the trone, lo I make alle thingis newe. And he seide to me, write thou, for these wordis ben [are] moost feithful and trewe. And he seide to me, it is don, I am alpha and oo [omega] the bigynnyng and ende, I schal ghyue [give] freli of the welle of quyk [quick, living] water to him that thirstith. He that schal ouercome schal welde [possess] these thingis, and I schal be god to him, and he schal be sone to me. But to ferdful men, and unbileueful, and cursid, and manquelleris, and fornicatours, and to witchis and worschiperis of ydols and to alle lyeris the part of hem schal be in the pool brenynge with fyer and brymstoon, that is the secounde deeth. And oon [one] cam of the seuene aungelis hauynge violis ful of seuene the laste ueniauncis [vengeances, plagues], and he spak with me and seide, come thou and I schal schewe to thee the spousesse [bride] the wyf of the lombe. And he took me up in spirit into a greet hill and high, and he schewide to me the hooli cite ierusalem comynge doun fro heuene of god, hauynge the cleerte [glory] of god; and the light of it lyk a precious stoon as the stoon iaspis [jasper], as cristal. And it hadde a wall greet and high hauynge twelue ghatis [gates], and in the ghatis of it twelue aungelis and names writen yn that ben the names of twelue lynagis [lineages, tribes] of the sones of israel. Fro the eest three ghatis, and fro the north three ghatis, and fro the south three ghatis, and fro the west three ghatis. And the wall of the citee hadde twelue foundamentis, and in hem the twelue names of twelue apostlis and of the lombe. And he that spak with me hadde a goldun mesure of a rehed [reed] that he schulde mete the citee and the ghatis of it and the wall. And the citee was sett in a square, and the lengthe of it is so mych as mych as is the brede [breadth], and he mat [meted, measured] the citee with the rehed bi furlongis twelue thousyndis, and the highthe and the lengthe and breede of it ben euene. And he maat [meted, measured] the wallis of it of an hundride and foure and fourti cubitis bi mesure of man, that is, of an aungel. And the bilding of the wall thereoff was of the stoon iaspis and the citee it silff was cleen gold lyk cleen glas. And the foundamentis of the wal of