'thriescoir yeris sensyne or thairby, the Devill, thy maister, come to thy motheris hous, in the liknes and scheap of a woman, quhom thow callis the Quene of Elphen, and was delyverit of a barne, as apperit to the their, thow confessis that be the space of threttie two yeris sensyn or thairby, thow begud to have carnall deall with that devilische spreit, the Quene of Elphen, on quhom thow begat dyveris bairnis, quhom thow hes sene sensyn.... Thow confessis that the Devill, thy maister, quhom thow termes Christsonday, and supponis to be ane engell, and Goddis godsone, albeit he hes a thraw by God, and swyis [sways] to the Quene of Elphen, is rasit be the speaking of the word _Benedicite_.... Siclyk, thow affermis that the Quene of Elphen hes a grip of all the craft, bot Christsonday is the gudeman, and hes all power vnder God.... Vpon the Ruidday in harvest, in this present yeir, quhilk fell on a Wedinsday, thow confessis and affermis, thow saw Christsonday cum out of the snaw in liknes of a staig, and that the Quene of Elphen was their, and vtheris with hir, rydand on quhyt haikneyes, and that thay com to the Binhill and the Binlocht, quhair thay vse commonlie to convene, and that thay quha convenis with thame kissis Christsonday and the Quene of Elphenis airss. Thow affermis that the quene is verray plesand, and wilbe auld and young quhen scho pleissis; scho mackis any kyng quhom scho pleisis, and lyis with any scho lykis'.[121]