To this letter was no answer maid; for schorte thairefter the said Jhone Knox maid forduard to Scotland by sea, where he landed the thrid day of Maij;[59] and had suche successe as in the Secound Booke is declaired. The said Jhone being in Sanctandrois efter Cuper Mure,[60] entred in deipe discourse with the Laird of Grange: the dangeris war evident, butt the supporte was nott easie to be seine. Efter many wordis, Jhone Knox burstit furth as followis: "Yff England wald foirsie thair awin comoditie, yea, yf thai did consider the danger quhairin thei thameselfis stand, thai wald nott suffer us to perishe in this quarrell; for France hath decreit no less the conquest of England then of Scotland." After long reassoning, it was concluded betuix thame two, that supporte sould be cravit of England; and for that purpois, the said Laird of Grange first wreit to Sir Harie Percie,[61] and efter raid frome Edinburgh and spak with him; to quhome he maid so plaine demonstratioun of the danger appeiring to England, that he tooke upoun him to wreit to the Secretarie Cycill; quho with expeditioun returned answer bak agane, geving him to understand, thatt oure interpryse altogitther myslyked nott the Counsall, albeit that thei desyrit farther resolutioun of the principall Lordis. Whiche thing understand, it was concluded by some[62] to wreitt unto him plainlie oure hoill purpois. The tennor of oure letter was this:-- [59] There is a slight discrepancy in the date of Knox's arrival in Scotland. Here it is the 3d of May 1559, but at page 318 of vol. i., the 2d of that month is the day specified. [60] In June: see vol. i. p. 325. [61] See _infra_, note 1, page 33.--Letters from Kirkaldy of Grange to Sir Henry Percy, between the 23d June and 1st July 1559, are preserved in the State Paper Office. [62] The words, "by some," are omitted in MS. G. THE FIRST LETTER TO [SIR] WILLYAUME CYCILL, FRA THE LORDIS OF THE CONGREGATIOUN. [Sidenote: LETT THE ENNEMYE SAY, GIF THAIR HOPE BE NOTT FRUSTRAT.]