Sui temporis historiam meditanti, Paulatim obrepens febris Operi simul et vitae filum abrupit, Sept. 18, An. Dom. 1721. AEtat. 57. H.S.E. Vir eximius Serenissimis Regi GULIELMO, reginaeque MARIAE, In congressione foederatorum Hagae anno 1690 celebrata; Deinde Magnae Britanniae legatis; Tum iis, Qui anno 1697 pacem RYSWICKI confecerunt; Tum iis, Qui apud Gallos annis proximis legationem obierunt; Eodem etiam anno, 1697, in Hibernia SECRETARIUS; Nee non in utroque honorabili consessu Eorum, Qui anno 1700 ordinandis commercii negotiis, Quique anno 1711 dirigendis portorii rebus, Praesidebant, COMMISSIONARIUS; Postremo Ab ANNA, Felicissinae memoriae regina, Ad LUDOVICUM XIV. Galliae regem Missus anno 1711 De pace stabilienda, (Pace etiamnum durante Diuque ut boni jam omnes sperant duratura) Cum summa potestate legatus; MATTHAEUS PRIOR, armiger: Qui Hos omnes, quibus cumulatus est, titulos Humanitatis, ingenii, eruditionis laude Superavit; Cui enim nascenti faciles arriserant musae. Hune puerum schola hie regia perpolivit; Juvenem in collegio S'ti Johannis Cantabrigia optimis scientiis instruxit; Virum denique auxit; et perfecit. Multa cum viris principibus consuetudo; Ita natus, ita institutus, A vatum chioro avelli nunquam potuit, Sed solebat saepe rerum civilium gravitatem Amoeniorum literarum studiis condire: Et cum omne adeo poetices genus Haud infeliciter tentaret, Tum in fabellis concinne lepideque texendis Mirus artifex Neminem habuit parem. Haec liberalis animi oblectamenta, Quam nullo illi labore constiterint, Facile ii perspexere, quibus usus est amici; Apud quos urbanitatum et leporum plenus Cum ad rem, quaecunque forte inciderat, Apte varie copioseque alluderet,