haue Rungyn the Comon Bell, callid Bowe Bell: But they were lette by sadde and weladuysed men, which when it come to the knowleyge of the Duke of Bokyngham and other lordes their beyng with hym, they Incontynently arose, feryng longer to abyde: for it was shewed to theym that all the Cite wold arise vpon theym. But yet notwithstondyng in Conclusion ij or iij mysdoers of the Cite were adjuged for the Robbery, And were hanged at Tybourne: and this doon the kyng and the quene and other lordes Rood to Coventre, and with drewe theym from London for these cawsis (Chronicles of London (Kingsford) 1905, pp. 166, 167). =1467.= Alle soo that same yere there were many chyrchys robbyd in the cytte of London only of the boxys with the sacrament. And men had moche wondyr of thys, and sad men demyd that there had ben sum felyschippe of heretykys assocyat to gederys. But hyt was knowe aftyr that it was done of very nede that they robbyd, wenyng unto the thevys that the boxys hadde ben sylvyr ovyr gylt, but was but copyr. And by a copyr smythe hit was a spyde of hyr longe contynuans in hyr robbory. At a tyme, alle the hole feleschippe of thevys sat at sopyr to gedyr, and had be fore hem fulle goode metys. But that copyr smythe sayde, “I wolde have a more deynty mosselle of mete, for I am wery of capon, conynge, and chekyns, and such smalle metes. And I mervyl I have ete ix goddys at my sopyr that were in the boxys.” And that schamyd sum of them in hyr hertys. Ande a smythe of lokyers crafte, that made hyr instrumentes to opyn lockys, was ther that tyme, for hyt was sayed at the sopyr in hys howse. And in the mornynge he went to chyrche to hyre a masse, and prayde God of marcy; but whenn the pryste was at the levacyon of the masse he myght not see that blessyd sacrament of the auter. Thenn he was sory, and a bode tylle a nothyr pryste wente to masse and helpyd the same pryste to masse, and say [saw] howe the oste lay a-pon the auter and alle the tokyns and sygnys that the pryste made; but whenn the pryste hylde uppe that hooly sacrament at the tyme of levacyon he myght se no thynge of that blessyd body of Chryste at noo time of the masse, not somoche at _Agnus Dei_; and thenn he demyd that hit had ben for febyllenys of hys brayne. And he went unto the ale howse and dranke a ob. [a halfpennyworth] of goode alle, and went to chyrche agayne, and he helpyd iij moo prystys to masse, and in no maner a wyse he ne myght se that blessyd sacrament; but then bothe he and hys feleschyppe lackyd grace. And in schorte tyme aftyr iiij of hem were take, and the same lokyer was one of yᵉ iiij, and they were put in Newegate. And by processe they were dampnyd for that trespas and othyr to be hangyd and to be drawe fro Newegate to Tyborne, and soo they were. And the same daye that they shulde dy they were confessyd. And thes iiij docters were hyr confessourys, Mayster Thomas Eberalle, Maystyr Hewe Damylett, Maystyr Wylliam Ive, and Maystyr Wylliam Wryxham. Thenn Mayster