"But I fancy ane o' the lurdons will satisfy yer Lordship," said Will, "or do ye want them a' lodged in Græme's Tower? They would mak a bonny nest o' screighing hoolets, if we had them safely under the care o' the sly redcap o' that auld keep: they wad hatch something else than scandal, and leasin-makin, and reports o' the instability o' Border rights, the auld jauds." "I will be content with one of them," rejoined the Warden. "Ha! ha! I see, I see," replied Will. "Ane o' the limmers has been sapping and undermining Coberston wi' her hellish scandal. What's the lurdon's name, my Lord?" "Gibson of Durie," rejoined Traquair. "Ah! a weel-kenned scandalous runt that," replied Will. "She's the auldest o' the hail fifteen, if I'm no cheated--Leddie President o' the coterie. She spak sair against me when the King's advocate claimed for his Majesty my auld turret o' Gilnockie. I owe that quean an auld score. How lang do you want her lodged in Græme's Tower?" "Three months would maybe change her tongue," replied the Warden; "but the enterprise seems desperate, Will." "Desperate! my Lord," replied the other--"that word's no kenned on the Borders. Is it the doing o't, or the dool for the doing o't, that has the desperation in't?" "The consequences to you would be great, Will," said Traquair. "You are confined here for stealing a cow, and would be hanged for it if I did not save ye. Our laws are equal and humane. For stealing a cow one may be hanged; but there's no such law against stealing a paper-lord." "That shows the guid sense o' our lawgivers," replied Will, with a leer on his face. "The legislator has wisely weighed the merits o' the twa craturs; yet, were it no for your case, my Lord, I could wish the law reversed. I wad be in nae hurry stealing ane o' thae cummers, at least for my ain use; and, as for Peggy, she would rather see a cow at Gilnockie ony day." "Weel, Will," said his Lordship, "I do not ask thee to steal for me old Leddie Gibson. I dare not. You understand me; but I am to save your life; and I tell thee that, if that big-wigged personage be not, within ten days, safely lodged in Græme's Tower, my lands of Coberston will find a new proprietor, and your benefactor will be made a lordly beggar." "Fear not, my Lord," replied Will. "I'm nae suner out than she's in. She'll no say a word against Coberston for the next three months, I warrant ye. But, by my faith, it's as teuch a job as boilin' auld Soulis in the cauldron at the Skelfhill; and I hae nae black spae-book like Thomas to help my spell. Yet, after a', my Lord, what spell is like the wit o' man, when he has courage to act up to 't!"