in manu: qui ensis debet esse lucidissimus, cum quo ense avis caput debet truncari ut dictum est, et ipsum tenendo per cuspidem, aspiciendo versus orientem, dic sic: O misericordissime Deus, Creator omnium, et omnium scientiarum Largitor, Qui vis magis peccatorem vivere, ut ad penitentiam valeat pervenire, quam ipsum mori sordidum in peccatis, Te deprecor toto mentis affectu ut cogas et liges istos tres demones, videlicet Appolyin, Maraloch, Berich, ut debeant per virtutem et potentiam tuam mihi obedire, servire, et parere, sine aliquo fraude, malignatione vel furore, in omnibus quae praecipio: Qui vivis et regnas in unitate Spiritus Sancti, Amen. Debet haec enim oratio dici novies versus orientem, deinde debes dicere, Appolyin, Maraloch, Berich, Ego talis vos exorcizo et conjuro ex parte Dei Omnipotentis Qui vos vestra elatione jussit antra subire profundi, ut debeatis mittere quendam spiritum peritum dogmate omnium scientiarum, qui mihi sit benivolus, fidelis, et placidus ad docendum omnem scientiam quam voluero, veniens in formam magistri ut nullam formidinem percipere valeam, fiat, fiat, fiat. Item conjuro vos per Patrem et Filium et Spiritum Sanctum ut per haec sancta nomina quorum virtute ligamen, scilicet Dober, Uriel, Sabaoth, Semonyi, Adonayi, Tetragramaton, Albumayzi, Loch, Morech, Sadabyin, Rodeber, Donnel, Parabyiel, Alatuel, Nominam, et Ysober, quatenus vos tres reges maximi et mihi socii, mihi petenti, unum de subditis vestris mittere laboretis, qui sit magister omnium scientiarum et artium, veniens in forma humana, placibilis aplaudens mihi et erudens me cum amore ita et taliter quod in termino xxxta dierum talem scientiam valeam adipisci, promittens post sumptionem scientiae dare libi licentiam recedendi, ut hoc etiam totiens dici debet. Hac oratione vero dicta, ensem depone et involve in dicto panno, et facto vasiculo, cuba super ipso ut aliquantulum dormias. Post sompnum vero surge et induas te: quia facto vasiculo homo se spoliat et intrat cubiculum ponendo dictum vasiculum super capite. Est autem sciendum quod dictis his conjurationibus somnus acculit virtute divina, in somno autem apparebunt tibi tres maximi reges, cum famulis innumeris militibus peditibus, inter quos est etiam quidam magister apparens, cui ipsi tres reges jubent ad te ipsum venire paratam. Videbis enim tres reges fulgentes mira pulcritudine, qui tibi in dicto sompno viva voce loquentur dicentes, Ecce tibi Domini quod multotiens postulasti, et dicent illi magistro, Sit iste tuus discipulus quem docere tibi jubemus omnem scientiam sive artem quam audire voluerit. Doce illum taliter et erudi ut in termino xxx dierum in qualem scientiam voluerit, ut summus inter alios habeatur:[328] et ipsum audies et videbis eum respondere, dictum mei libentissime faciam quicquid vultis. His dictis reges abibunt et magister solus remanebit, qui tibi dicet, Surge, ecce tuus magister. His vero dictis, excitaberis statim et aperies occulos et videbis quendam