This Constantyne than regnand Oure the Scottis in Scotland, Saynt Adriane wyth hys cumpany Come off the land off Hyrkany, And arryẅed into Fyffe, Quhare that thai chesyd to led thar lyff. At the king than askyd thai Leve to preche the Crystyn fay. That he grantyd wyth gud will, And thaire lykyng to fullfille, And to duell in to his land, Quhare thai couth ches it mayst plesand. Than Adriane wyth hys cumpany Togydder come tyl Caplawchy. Thare sum in to the Ile off May Chesyd to byde to thare enday. And sum of thame chesyd be northe In steddis sere the Wattyr off Forth. In Invery Saynct Monane, That off that cumpany wes ane, Chesyd hym sa nere the sé Till lede hys lyff: thare endyt he. Hwb, Haldane, and Hyngare Off Denmark this tym cummyn ware In Scotland wyth gret multitude, And wyth thare powere it oure-yhude. In hethynness all lyvyd thai; And in dispyte off Crystyn fay In to the land thai slwe mony, And put to dede by martyry. And upon Haly Thurysday Saynt Adriane thai slwe in May Wyth mony off hys cumpany: In to that haly Ile thai ly.[588]