¶ But no sudeyne mutac{i}ou{n} ne 752 bytideþ nat wiþ oute{n} a maner chau{n}gyng of curages. and so is it byfallen þat þou art dep{ar}ted a litel fro þe pees of þi þouȝt. [Sidenote: But with some gentle emollients I shall prepare thee for stronger medicines.] but now is tyme þat þou drynke {and} atast[e] some softe {and} delitable þinges. so þat whan 756 þei ben entred wiþ i{n}ne þe. it mow make weye to strenger drynkes of medycynes. [Sidenote: Approach then, Rhetoric, with thy persuasive charms, and therewith let Music also draw near.] ¶ Com nowe furþe þerfore þe suasiou{n} of swetnesse Rethoryen. whiche þat goþ oonly þe ryȝt wey whil she forsakeþ not myne 760 estatutȝ. ¶ And wiþ Rethorice com forþe musice a damoisel of oure house þat syngeþ now lyȝter moedes or p{ro}lac{i}ou{n}s now heuyer. [[pg 31]] [Sidenote: [* fol. 9.]] *what ayleþ þe man. what is it þat haþ cast þe in to murnyng {and} in to wepyng. 764 I trow[e] þat þou hast sen some newe þing {and} uncouþe. [Sidenote: Thou thinkest that Fortune is changed towards thee.] ¶ Þou wenest þat fortune be chaunged aȝeins þe [Sidenote: But thou art deceived.] ¶ But þou wenest wrong. yif þou [þat] wene. [Sidenote: In this misadventure of thine she hath preserved her constancy in changing.] Alwey þo ben hire maners. she haþ raþer [kept] as to 768 þe ward hire p{ro}pre stablenes in þe chaungyng of hyre self. ¶ Ryȝt swyche was she whan she flatered[e] þe. {and} desseiued[e] þe wiþ vnleueful lykynges of false welefulnesse. [Sidenote: You have seen the double face of this blind divinity.] þou hast now knowen {and} ataynt 772 þe doutous or double visage of þilke blynde goddesse fortune. ¶ She þat ȝit couereþ hir {and} wympleþ hir to oþer folk. haþ shewed hir euerydel to þe. ¶ Ȝif þou app{ro}uest hir {and} þenkest þat she is good. vse 776 hir maners {and} pleyne þe nat. [Sidenote: If thou dost abhor her perfidy cast her off, for her sports are dangerous.] ¶ And if þou agrisest hir fals[e] trecherie. dispise {and} cast aweye hir þat pleyeþ so harmefully. for she þat is now cause of so myche sorwe to þe. sholde be to þe cause of pees {and} 780 [of] ioie. ¶ she haþ forsaken þe forsoþe. þe whiche þat neuer man may be syker þat she ne shal forsake hym. _Glose._ ¶ But naþeles some bookes han þe text þus. For soþe she haþ forsaken þe ne þer nis no man 784 syker þat she ne haþ not forsaken. [Sidenote: Is that happiness which is so transient?] ¶ Holdest þou þan þilke welefulnesse p{re}ciouse to þe þat shal passen. [Sidenote: Is the attendance of Fortune so dear to thee, whose stay is so uncertain, and whose removal causes such grief?]