& en-gendered on hem ieau{n}teȝ w{i}t{h} her Iapeȝ ille. 272 Þose wern men meþeleȝ & maȝty on vrþe, Þat for her lodlych laykeȝ alosed þay were. He watȝ famed[15] for fre þat feȝt loued best, [Sidenote: The greatest fighter was reckoned the most famous.] & ay þe bigest i{n} bale þe best watȝ halden; 276 & þe{n}ne eueleȝ on erþe ernestly grewen & multyplyed mony-folde i{n}-mongeȝ mankynde, [Sidenote: The Creater of all becomes exceedingly wroth.] For þat þe maȝty on molde so marre þise oþ{er}. Þat þe wyȝe þat al wroȝt ful wroþly bygy{n}neȝ. 280 [Headnote: GOD DETERMINES TO DESTROY ALL FLESH.] When he knew vche contre corupte i{n} hit seluen, & vch freke forloyned fro þe ryȝt wayeȝ, [Sidenote: Fell anger touches His heart.] Felle temptande tene towched his hert; As wyȝe, wo hy{m} with-i{n}ne werp to hy{m} seluen: 284 [Sidenote: It repents Him that He has made man.] “Me for-þy{n}keȝ ful much þat eu{er} I mon made, Bot I schal delyu{er} & do away þat doten on þis molde, [Sidenote: He declares that all flesh shall be destroyed, both man and beast.] & fleme out of þe folde al þat flesch wereȝ, Fro þe burne to þe best, fro bryddeȝ to fyscheȝ; 288 [Sidenote: [Fol. 61a.]] Al schal dou{n} & be ded & dryuen out of erþe, Þat eu{er} I sette saule i{n}ne; & sore hit me rweȝ Þat eu{er} I made hem my self; bot if I may her-aft{er}, I schal wayte to be war her wrencheȝ to kepe.” 292 [Sidenote: There was at this time living on the earth a very righteous man: Noah was his name.] Þe{n}ne i{n} worlde watȝ a wyȝe wonyande on lyue, Ful redy & ful ryȝtwys, & rewled hy{m} fayre; In þe drede of dryȝtyn his dayeȝ he vseȝ, & ay glydande wyth his god his g{ra}ce watȝ þe more. 296 Hy{m} watȝ þe nome Noe, as is i{n}noghe knawen, [Sidenote: Three bold sons he had.] He had þre þryuen su{n}eȝ & þay þre wyueȝ; Sem soþly þat on, þat oþ{er} hyȝt cam & þe Iolef Iapheth watȝ gendered þe þryd. 300 [Sidenote: God in great anger speaks to Noah.] Now god i{n} nwy to Noe co{n} speke, Wylde wrakful wordeȝ i{n} his wylle greued: “Þe ende of alle-kyneȝ flesch þat on vrþe meueȝ, Is fallen forþ wyth my face & forþ{er} hit I þenk, 304 W{i}t{h} her vn-worþelych werk me wlateȝ w{i}t{h}-i{n}ne, Þe gore þ{er}-of me hatȝ greued & þe glette nwyed; [Sidenote: Declares that He will destroy all “that life has.”] I schal strenkle my distresse & strye al to-geder, Boþe ledeȝ & londe & alle þat lyf habbeȝ. 308 [Headnote: NOAH IS COMMANDED TO BUILD AN ARK.]