Gin I had wist or I had kisst That young man's love was sae ill to win, I would hae lockt my hert wi' a key o' gowd, And pinn'd it wi' a siller pin. An I had kent what I ken now, 25 I'd never crosst the water Tay, But stayed still at Athole's gates;-- He would have made me his lady gay. When lords and lairds cam to this toun, And gentlemen o' a high degree, 30 I took my auld son in my arms, And went to my chamber pleasantlie. But when lords and lairds come through this toun,[L33] And gentlemen o' a high degree, I must sit alane intill the dark, 35 And the babie on the nurse's knee. I had a nurse, and she was fair; She was a dearly nurse to me; She took my gay lord frae my side, And used him in her companie. 40 Awa, awa, thou fause Blackwood, Aye, and an ill death may thou die! Thou wert the first and occasion last Of parting my gay lord and me. When I lay sick, and very sick, 45 Sick I was and like to die, A gentleman, a friend of mine, He came on purpose to visit me; But Blackwood whisper'd in my lord's ear He was ower lang in chamber with me. 50 When I was sick, and very sick, Sick I was and like to die, I drew me near to my stairhead, And I heard my ain lord lichtly me. "Come down, come down, O Jamie Douglas, 55 And drink the orange wine with me; I'll set thee on a chair of gold, And daut thee kindly on my knee." "When sea and sand turn far inland, And mussels grow on ilka tree, 60 When cockle shells turn siller bells, I'll drink the orange wine wi' thee." "What ails you at our youngest son, That sits upon the nurse's knee? I'm sure he's never done any harm, 65 An it's not to his ain nurse and me." If I had kent what I ken now, That love it was sae ill to win, I should ne'er hae wet my cherry cheek For onie man or woman's son. 70 When my father came to hear That my gay lord had forsaken me, He sent five score of his soldiers bright To take me safe to my ain countrie. Up in the mornin' when I arose, 75 My bonnie palace for to lea', I whispered in at my lord's window, But the never a word he would answer me. "Fare ye weel, then, Jamie Douglas, I need care as little as ye care for me; 80 The Earl of Mar is my father dear, And I soon will see my ain countrie.