"I make a vow," quod Dudman, "and swere be the stra, Whils me ys left my mer, thu gets hir not swa.[L128] For she is wel shapyn, as lizt as a ra; Ther is no capull in this myle before her will ga. 130 She wil me not begyle; I dar sothely say,[L132-3] She will be[re me] on Monday Ffro Hissiltoun to Haknay, Nozt other halfe myle." 135 "I make a vow," quod Perkyn, "thu carpis of cold rost. I wil wyrke wiselier without any boost. Ffyve of the best capuls that ar in this host, I will hem lede away be another coost:" And then lowz Tibbe. 140 "Weloo, boyes, here is he[L141] That will fyzt and not fle: Ffor I am in my jolyté: I go forth, Tibbe."[L144] When thai had thaire othes made, forth can thei hie,[L145] 145 With flayles and harnys and trumpis made of tre. Ther were all the bachilers of that contre: Thei were dizt in aray, as thaim self wolde be. Theire baner was ful bryzt, Off an olde raton fell;[L150-151] 150 The chefe was of a ploo-mell, And the schadow of a bell, Quarterd with the mone lizt.[L153] I wot it was no childer gamme when thei to geder mett, When ilke a freke in the felde on his felow bette, 155 And leid on stifly--for no thyng wold thei lett-- And fozt ferly fast, til theyre hors swett. And few wordis were spokyn. Ther were flayles al to-flaterde,[L159-161] Ther were scheldis al to-claterde, 160 Bolles and disshis al to-baterde, And mony hedis ther were brokyn. Ther was clenkyng of cart sadils, and clatering of cannes; Off fel frekis in the feeld brokyn were thaire fannes; Off sum were the hedis brokyn, of sum the brayn pannes, 165 And evel were they besene er they went thannes, With swippyng of swipylles. The laddis were so wery forfozt, That thai myzt fyzt no more on loft, But creppid aboute in the crofte, 170 As thei were crokid crypils. Perkyn was so wery that he began to lowte: "Helpe, Hudde, I am ded in this ilke rowte; An hors, for forty penys, a gode and a stoute, That I may liztly cum of my [noye] owte.[L175] 175 Ffor no cost wil I spare." He stert up as a snayle, And hent a capull be the tayle, And rauzt of Daukyn his flayle, And wan hym a mare. 180