"Perkyn wan fyve, and Hudde wan twa. Glad and blith thai were that thei had don sa; Thai wolde have thaim to Tibbe, and present hir with tha; The capuls were so wery that thei myzt not ga, But stille can thei stonde. 185 "Alas!" quod Hud, "my joye I lese: Me had lever then a ston of chese That dere Tibbe had alle these, And wist hit were my sonde." Perkyn turnyd hym aboute in that ilke throng; 190 He fouzt fresshly, for he had rest hym long.[L191-194] He was war of Tirry take Tib be the hond, And wold have lad hir away with a luf-song; And Perkyn after ran, And of his capull he hym drowe, 195 And gaf hym of his flayle inowe. Then "Te he," quod Tib, and lowe: "Ze ar a duzty man." Thus thai tuggat and thei ruggat, til hit was ny nyzt. Alle the wyves of Totenham come to se that sizt, 200 To fech home thaire husbondis that were thaym trouthe-plizt,[L201-207] With wispys and kexis, that was a rich lizt, Her husbondis home to fech. And sum they had in armys, That were febull wreches, 205 And sum on whelebarowes, And sum on criches. They gedurt Perkyn aboute on every side, And graunt hym ther the gre, the more was his pride. Tib and he with gret myrth hamward can ride, 210 And were al nyzt togedur til the morow tide. And to chirch thay went.[L212] So wel his nedis he hase spedde, That dere Tibbe he shall wedde; The chefe men that hir thider ledde[L215] 215 Were of the turnament. To that rich fest come mony for the nonys; Sum come hiphalt, and sum trippande thither on the stonys; Sum with a staffe in his honde, and sum too at onys; Of sum were the hedis brokyn, of sum the schulder bonys. 220 With sorow come they thidur. Woo was Hawkyn, wo was Harry, Woo was Tomkyn, woo was Tirry, And so was al the company,[L224-225] But zet thei come togeder. 225 At that fest were thei servyd in a rich aray:[L226] Every fyve and fyve had a cokeney. And so they sate in jolite al the long daye; Tibbe at nyzt, I trow, hade a sympull aray.[L229] Micull myrth was thaym among: 230 In every corner of the howse Was melodye deliciouse, Ffor to here preciouse, Off six mennys song. 18. _sic_ MS. Harl. according to Percy. 24-27. MS. Harl. Therfor faine wyt wold I, Whych of all thys bachelery Were best worthye To wed hur to hys fere. v. 27 should be divided into two. 35-36. MS. Harl. If that it schuld be thys day sevenyzt, Or elles zet to morn. 36. Wright. tomorowe. 41. _sic_ MS. Harl.