Insuper continuata longo tempore dira ac ingratissima suorum rebellione, post plurima bella a suis rebellantibus ei gravissime illata, tandem cum paucis ad locum secretum, a suis fidelibus sibi provisum, fugit. unde dum per aliquod spacium diliteret,[42] vox corporalis insonuit per XVII. dies antequam caperetur insinuans ei, quod proditione traderetur, ac sine honore, quasi fur aut exul quidam, Londonias, & per medium ejus manu duceretur, multa ac varia pravorum hominum ingeniis mala exquisita subiturus, et infra turrim illic incarcerandus, quae omnia ex beatae Mariae virginis revelatione, Sanctorumque Joannis baptistae, Dunstani, & Ancelmi, quorum consolationibus ad tunc, sicut etiam alias, potitus fuit, per eosdem ad patientiam edoctus & confirmatus ad haec et similia patienter tolleranda. Quae cum quibusdam de suis tunc retulerat, videlicet magistris Bedon & Mannynge, incrudeli[43] illi minime credere voluerunt, sed diliramenta et vana quaedam deputaverunt, quoadusque rei exitus eos certos fecit. Fertur etiam, quod rex iste, dum in turri fuisset inclusus, viderit mulierem quandam a dextra sua infantulum submergere nitentem, quam per nuncium ammonuit, ne tantum flagitium & Deo odiosum peccatum perpetraret. Cujus ammonitione correpta illa, ab incepto opere cessavit. Item quaesito ab eodem rege H. dum in turri fuerat incarceratus, quare injuste vendicaverat et possiderat[44] coronam Angliae tot annis, respondere solebat, _Pater meus rex fuerat Angliae[45] pacifice, coronam Angliae possidens per totum regni sui tempus. Et suus pater, avus meus, ejusdem regni rex fuit. Et ego puer, quasi in cunabilis[46] [B IV _a_] pacifice, et sine omni interruptione coronatus approbatus fueram rex a toto regno, coronam Angliae gerens quasi per_ XL. _annos, singulis mihi dominis homagium regium facientibus, et fidem michi praestantibus sicut & aliis antecessoribus meis. Vnde, et cum Psalmista dicere possum_: Funes ceciderunt michi in praeclaris: etenim hereditas mea praeclara est michi. Justum enim adjutorium meum a Domino, qui salvos facit rectos corde. Laus Deo. Footnotes: [3] _omitte_ et. [4] _Lege_, vocibus. [5] incedere M. R. J. [6] _Sic, pro_ citius. [7] _Sic. Lege_, ancipites. [_potius_ accipitres M. R. J.] [8] _Id est_, pugiones, =daggers=. [9] _Potius_, Siciliae. [10] _Sic. L._ incautius. [11] _Sic. L._ aspiceret. [12] _Sic._ [13] _Sic._ [14] _F._ uterinis. [15] _Sic. Potius_, Jaspero. [16] _Sic. L._ artissimam. [17] _Sic._ [18] _L._ cara M. R. J. [19] _Sic._ [20] Cicestriae M. R. J. [21] _Sic. L._ admonuit. [22] _An_, intentus? [23] _F._ quoniam. [24] _Sic._ [25] _F._ quam. [26] _Sic, perinde ac si_ transegerat _reponend. esset_. _Rectius tamen forsitan_ transigeret. [27] _Sic, pro_ omnia. [28] _Sic. F._ certos. [29] _Sic._ [30] _Sic._ [31] _F._ ei. [32] _Sic._ [33] _Sic. Sed delend. ni fallor._ [34] [_Sic. qu._ necem M. R. J.] [35] _Sic. pro_ sica. [36] _Sic. F._ quadrupedis. [37] [=pr]iales.