_“Mitræ usus antiquissimus est, et ejus triplex est species: una quæ pretiosa dicitur, quia gemmis et lapidibus pretiosis, vel laminis aureis, vel argenteis contexta esse solet; altera auriphrygiata sine gemmis, et sine laminis aureis vel argenteis; sed vel aliquibus parvis margaritis composita, vel ex serico albo auro intermisto, vel ex tela aurea simplici sine laminis et margaritis; tertia, quæ simplex vocatur, sine auro, ex simplici sirico Damasceno, vel alio, aut etiam linea, ex tela alba confecta, rubeis laciniis seu frangiis et vittis pendentibus. Pretiosa utitur Episcopus in solemnioribus festis, et generaliter quandocumque in officio dicitur hymnus ~Te Deum laudamus, &c.~ et in missa ~Gloria in excelsis Deo~. Nihilominus in eisdem festis etiam auriphrygiata uti poterit, sed potius ad commoditatem quam ex necessitate; ne scilicet Episcopus nimis gravetur, si in toto officio pretiosa utatur: propterea usu receptum est, tam in Vesperis, quam in Missis, ut pretiosa utatur Episcopus in principio et in fine Vesperarum et Missarum solemnium, ac eundo ad Ecclesiam et redeundo ab ea; et quando lavat manus et dat benedictionem solemnem. Intermedio autem spatio loco pretiosæ accipit auriphrygiatam.—Auriphrygiata mitra utitur Episcopus ab Adventu Domini usque ad festum Nativitatis, excepta Dominica tertia Adventus, in qua dicitur Introitus ~Gaudete, &c.~ ideoque in signum lætitiæ utitur tunc pretiosa. Item a Septuagesima usque ad feriam quartam majoris hebdomadæ inclusivè, excepta Dominica quarta Quadragesimæ, in qua dicitur Introitus ~Lætare, &c.~ Item in omnibus vigiliis, quæ jejunantur, et in omnibus quatuor temporibus; in Rogationibus, Litaniis et processionibus, quæ ex causa penitentiæ fiunt; in festo Innocentium, nisi veniat in Dominica; et benedictionibus, et consecrationibus, quæ private aguntur. Quibus quidem temporibus abstinet, Episcopus a mitra pretiosa. Poterit tamen Episcopus dum utitur auriphrygiata, uti etiam simplici eodem modo et forma, prout de pretiosa et auriphrygiata dictum est. Simplici vero mitra utitur Episcopus feria sexta in Parasceve, et in officiis et Missis defunctorum._”—Cæremoniale Episcoporum, l. 1. c. 17. * * * * * _The pall Of wool undyed, which on the Apostle’s tomb Gregory had laid._—XVIII. p. 164.