þa wes s{an}c{t}e paul swiðe wa. ⁊ abeh him redliche to his lauerdes fet ⁊ on halsien hine gon mid þas ilke weord þe ȝe maȝen iheren. Lauerd {65} he cweð þa. Nu ic þe bidde for þine kinedome ⁊ for þine engles. ⁊ for þine muchele milce. ⁊ for alle þine weorkes. ⁊ for alle þine haleȝen. ⁊ ec þine icorene. þat þu heom milcie þes þe redþer þ̵ ic to heo{m} com ⁊ reste ȝefe þen sunne{}dei a þ̵ cume þin heh domes dei. þa onswerede him drihten mildere steuene. Aris nu paul aris. Ic ha{m} {70} ȝeue reste al swa þu ibeden hauest fro{m} non on sat{er}dei a þa cume monedeis lihting. þ̵ efre forð to domes dei. Nu leofe breðre ȝe habbeð iherð hwa erest bi won reste þa{m} forgulte saule. Nu bi{}cum`e´ð hit þerfore to uwilche c{ri}stene monne mucheles þe mare to haliȝen ⁊ to wurðien þe{n}ne dei þe is icleped sunne{}dei. for of þam deie ure {75} lauerd seolf seið. +Dies d{omi}nicus est dies leticie ⁊ requiei.+ [f. 18r] Sunne{}dei is dei of blisse ⁊ of alle ireste. +Non facietur in ea aliquid nisi deum orare manducare ⁊ bibere cu{m} pace et leticia.+ Ne beo in hire naþing iwrat bute chirche bisocnie ⁊ beode to criste ⁊ eoten ⁊ dri{n}ken mid griðe ⁊ mid {80} gledscipe. +Sicut dici{tur}. pax in t{er}ra. pax in celo. pax int{er} homines.+ for swa is iset. grið on eorðe. ⁊ grið on hefene. ⁊ grið bitwenen uwilc c{ri}stene mo{n}ne. eft ure lauerd seolf seit. +Maledictus h{om}o qui no{n} custodit sabatum.+ Amansed beo þe mon þe sunne{}dei nulle iloken. And for{}þi leofemen uw`i´lc {85} sunne dei is to locan al swa ester dei for heo is muneȝing of his halie ariste from deðe to liue. ⁊ muneȝeing of þam halie gast þe he sende in his apostles on þon dei þe is icleped wit{}sunne{}dei. ec we understondeð þ̵ on sunne{}dei drihten cumeð to demene al mon{}cun; we aȝen þene sunne{}dei swiþeliche wel to wurþien. {90} ⁊ on alle clenesse to locan. for heo hafð mid hire þreo wurdliche mihte þe ȝe iheren maȝen. ðet forme mihte is þ̵ heo on eorðe `ȝeueð reste to alle eorðe´ þrelles wepmen ⁊ wifmen of heore þrel{}weorkes. þet oðer mihte is on heouene. for þi þa engles heo{m} rested mare þe{n}n on su{m} oðer dei. þ̵ þridde mihte is þ̵ {þ}a {95} ermi{n}g saule habbeð ireste i{n}ne helle [f. 18v] of heore muchele pine. Hwa efre þenne ilokie wel þene sunne{}dei. oðer þa oðer halie daȝes þe mon beot in chirche to lokien swa þe sunne{}dei. beo heo dal{}neominde of heofene riches blisse{;} mid þan fedre. ⁊ mid þan sunne. ⁊ mid þan halie gast abuten ende. ameN. {100} _Quod ip{s}e prestare dignetur qui uiuit ⁊ regnat deus. p{er} om{ni}a secula seculor{um}. AmeN._ [Linenotes: 93. _ȝeueð ... eorðe_ added on margin. || 94-5. _hem heō rested_ MS. | _þa_] _þ̵a_ MS. || 99. _ferde_ MS.] XI. HIC DICENDUM EST DE PROPHETA [[MS description from Notes volume: “As for piece x.” _Described under VIII, Poema Morale._]] [[The selection was printed in a single paragraph. It has been broken up for this e-text.]]