_Agnoscimus igitur illustrissimorum & potentissimorum_ Hollandiæ, Zelandiæ, _aliorumque Ordinum_ Belgicorum _tam eximiam beneficenciam: Quibus non conniventibus modo & permittentibus (quod ipsum non vulgare beneficium habendum esset) sed authoribus etiam modumque & rationem ræscribentibus, exemplo qnoque præunitibus in subsidium fratrum nostrorum_ Hiberne _collecta per Ecclesias facta ad ipsos mature deportata sit: Agnoscimus piorum in iisdem Ecclesiis Belgicis tam expromptam: volantatem & liberalitatem; tantum beneficium non in __ ipsos magis fratres nostres, quam in illorum persona in nosinet ipsos esse collatum: Vosque (fratres Reverendi) obnixè rogatos volumus, ut quemadmodum nos ad omnem grati animi significationem prompti semper erimus, ita quâ potissimum ratione commodum videbitur, illustrissimis & potentissimis Ordinibus nostre nomine gratias agatis populo autem Christiano curæ vestræ commisso tum publice universo, tum privatim singulis, ut occasio tulerit, demonstretis quam honorifice de ipsis sentiamus, & quanti faciamus tam eximiam benevolentiam & charitatem, quâ in Ecclesiarum_ Hibernicarum _consolatione viscera nostra refocillaverunt. Quæ autem vestræ fuerint partes, fratres charissimi, quam pio studio & labore, quam assidua diligentia tantæ charitatis semen in segetem & maturam tandem messem provexeritis, cum nos libentes agnoscimus, tum res ipsa loquitur, & fructus opimus abunde testatur. Inprimis autem (quod caput est) tantæ gratiæ authorem & largitorem nos una cum Ecclesiis_ Hibernicis _laudamus & celebramus: comprecantes ut in vos universos, in Ecclesias a Domino vobis commissas, in illustrissimos_ Belgii _vestri Ordines Spiritum suum copiose effundat, ut quemadmodum in Rep. vestra adversus hostem potentissimum defendenda, & inter tantas bellorum moles indies amplificanda, in Evangelii luce & veritate incontaminatâ contra inferorum portas in vestris Ecclesiis propugnandâ, atque inde latius propagandâ, immensa Dei vobis excubantis potentia, multiformis sapientia, & eximia beneficentia, per universum terrarum orbem hactenus celebrata est; ita bonis omnibus vos deinceps cumulare pergat idem fons omnis bonitatis, ut frementibus religionis & libertatis vestræ hostibus, sapientiæ & optimarum artium juxta ac armorum triumphorumque gloriâ inter nobilissimas gentes Resp. vestra fœderata quotidie magis emineat, Ecclesia sacrorum puritate, & cælestis veritatis splendore perspicua refulgeat; eoque prosperè vobis cedant vestra prudentissima & saluberrima consilia, quibus certissimum ad fælicitatem publicam compendium vos capessure demonstratis, nec vobis tantum consulitis, sed de vicinis etiam Ecclesiis soliciti, quâ operâ, quâ consilio opibusque vestris eas sublevatis & confirmatis omnes, & quasi de specula unversis prospicientes de periculis imminentibus commonefacitis, & ad ruinam ab hostibus dolosè machinatam maturè precavendam armatis._