_Ergo quod anno superiori, veluti signo dato, Reformatas omnes Ecclesias, missis ex_ Zelandia _literis commonuistis, ut cum impostores_, Jesu _nomen impudenter ementiti, cæterique Antichristi satellites, quo securius in populum erroribus Pontificiis fascinatum grassari, & puriores Christi Ecclesias funditus extirpare queant, arctissimâ conjuratione Sociati ad impia consilia patranda sese accinxerunt, Ita Ecclesiæ quoque Reformatæ sine mora consilia in medium alacriter conferant, & animos ac vires conjungant, ut perniciem sibi omnibus intentatam in hostium capita retorqueant: ni fecerint, tam pudendæ ignaviæ excusatione apud posteritatem carituri: consilium non minus prudens & fidum, quam fælix & salutare libenter & tum agnovimus & nunc ipso etiam eventu comprobamus._ _Principio autem ad hoc consequendum necessarium videtur, ut sine morâ convolemus omnes ad Deum nostrum clementissimum, qui postquam Ecclesiarum Reformatarum mores minimè reformatos multis annis longanimitate suâ pertulisset, ferulam primum, mox etiam gladium vibratum interminata, tandem rubentem & madidum suorumque sanguine calentem & spumantem per regiones plurimas jam diu circumtulis; in nos denique reliquos nunc intentat, nisi mature resipuerimus, & de domo ipsius amplius purgandâ, de gratia Domini nostri_ Jesu Christi_ pluris facienda, de cultu Dei ipsiusque institutis religiosius habendis, de Sabbatho ejus sanctificando, a quo nimium oculos nostros avertimus, & de moribus ad pietatis normam componendis magis serio quam hactenus a nobis factum est, nobiscum statuentes cum populo Dei sub_ Nehemia, Josia, _reliquisque piis Gubernatoribus, religioso fœdere percusso, tanquam firmissimo vinculo Deo obstricti, nos internes arctius adversus hostes univerimus, ut avertat Deus jam fumantem & capitibus nostris imminentem iram, quam peccata nostra plurima & maxima adversus nos prevocerunt & accenderunt._