Disant, pour ce q’en leur corages Chascun la loy son dieu oublie, Dieus en oubli de sa partie Lerra leur filz sanz heritages. 6120 C’est ly pecchés universals, Q’es choses que sont temporals Non soulement est anemis, Ainz plus grieve en espiritals: Car s’il ait fait Cent Mil mortals, Au paine luy sovient de diss, Au confesser quant serra mis. Com_m_ent serront ses mals guaris, Quant confesser ne sciet ses mals? Pour ce q’icy ne sont punys, 6130 Si dieu n’en fait a luy mercis, Ne poet guarir des infernals. =La descripcio_u_n en especial d’Accidie.= O fole Accidie au deable amye, Qe l’amour dieu tu ne pus mie Avoir, car nul amour desers, Ainz es morte en humaine vie; Dont sicom_m_e songe et fantasie S’en passont, tu le temps y pers. Tu es des tous les vices sers, Car soulement au char tu sers, 6140 Sans faire a l’alme compaignie, Forsq’a tes sens, u tu t’adhers Com_m_e beste, mais tout au travers Reso_u_n en toy se mortefie. He, vice, tu es hosteller, Qui fais ta maiso_u_n ramoner, Que n’y remaint aucun vertu; Dont ly malfées pour herberger Y vient, et fait ove soy mener Sept autres, et la s’est tenu. 6150 He, vice, come tu es perdu, Q’au primer point malvois es tu, Et au my lieu fais empirer, Mais quant tu es au fin venu, Lors es si tresmalvois, q_ue_ dieu Ove les plus mals te fait ruer. He, vice, au droit pour toy descrire, Tu es semblable au litargire, Q’en dormant l’om_m_e fait morir: Ton cuer deinz soy nul bien desire, 6160 Ta main a nul bon oevre tire, Ton oill le bien ne poet voïr, T’oraille auci n’el poet oïr, Neis q_ue_ ta bouche lais ovrir Pour bien contier ne po_ur_ bien dire, Des piés aler ne revenir Te fais pour bien, siq_ue_ merir N’as membre qui te poet souffire. He, fole Accidie, quoy dirras, Quant devant dieu acompteras 6170 Que tu n’as fait aucun p_ro_ufit En ceste vie, u tu menas Les eases, mais riens y pensas De l’alme? Pour ce ton delit Se changera d’un autre plit; Car corps avesques l’espirit Dedeinz la chambre au Sathanas Serront couchiez, u que ly lit Sont plain de feu q’est infinit: Vei la le fin de ton solas! 6180 =Ore dirra de Avarice et de ses cink files, dont la prim_er_e est Covoitise.=