Mais quoy dirrons des fols maritz, Qui de leur part se sont mespriz D’avoulterie, et ont faulsé Leur foy? Certes de mon avis 8980 Cils font encore asses du pis Que ne font fem_m_e en leur degré: Car ly mary pres sa costée Ad soubgite et abandon_n_ée Sa fem_m_e, que luy est toutdis Preste a sa p_ro_pre volenté; Dont n’est ce pas necessité Qu’il d’autres fem_m_es soit suspris. Ce nous recontont ly auctour, Quiconq_ue_ soit fait gouvernour 8990 A surveoir l’estat d’autri, S’il mesmes soit d’ascun errour Atteint, plus ert le deshonnour De luy, qant il mesfait ensi, Que d’autre; et pourcela vous di, Plus est a blamer ly mary, Depuisqu’il est superiour, Que celle q’est soubgite a luy Et est plus frele et fieble auci[235] Sibien du sens com_m_e de vigour. 9000 He, certes cil est trop apert, Qui pres sa fem_m_e tout apert Deinz sa maiso_u_n tient concubine, Trop est malvois, trop est culvert, Q’ensi ses pecchés fait overt, Molt petit crient la foy cristine: La fem_m_e, qant voit la covine, Que son mari tient sa meschine, Du cuer et corps ses joyes pert; Vers dieu se pleint deinz sa poitrine, 9010 Mais son mary la discipline, Que parler n’ose a descovert. Pour ce q’ensi la loy offendont De matrimoyne et tant entendont A leur pecché, ils p_er_dont grace, Par quoy leur heritages vendont Et en poverte puis descendont: Om voit plusours de celle trace, Et s’aucun tiel les biens po_ur_chace Du siecle, nepourquant bien sace, 9020 Nul bien apres la mort ly pendont, Ainz ont leur joye en ceste place Tous tieus: au fin dieus lez forschace Du ciel, s’ils ainçois ne s’amendont. Je n’en say point coment ce vait, Mais om le dist, cil q’ensi fait D’avoulterie son talent, Trois peines luy sont en agait; Ou p_ar_ mehaign serra desfait, Ou desfamez ert de la gent, 9030 Ou il mourra soudainement; A ce q’om dist certainement Ne doit faillir que l’un n’en ait. He, quel pecché trop violent, Que tolt les joyes du p_re_sent Et ad auci le ciel forsfait! Avoulterie est en sa mete Du pestilence la planete, Dont mainte gent sont malbailli: Du g_ra_nt venym dont est implete 9040 Semp_re_s la terre est tout replete, Mais cil qui sont infect de luy Au paine qant serront gari. Essample avons qu’il est ensi Du viele loy p_ar_ le p_ro_phiete; Et du novelle loy auci L’experience chascun di Nous fait certains de l’inquiete. La bible en porte tesmoignance[236] Com_m_e du primere com_m_ençance, 9050 Qant dieus avoit fo_ur_mé les gens, Envoia puis mainte vengance Pour le pecché dont fai p_ar_lance, Selonc l’istoire d’anciens; Et qui bien guarde en son p_ur_pens,