En la Cité de Sodomie, 9510 Quelle en abisme ert assorbie. C’est celle horrible leccherie En quelle toute ordure meint; Dieus et nature le desfie: Mais plus parler n’en ose mie, Car honte et reso_u_n me restreint. L’en puet resembler Foldelit Au salemandre, quelle vit De sa nature el fieu ardant; Ensi du fol dont vous ay dit 9520 Ly cuers toutdis sanz nul respit S’eschalfe et art en folpensant D’ardour qui tout vait degastant En ceste vie, et plus avant[248] Le corps avesques l’espirit Enflam_m_e, u que ly fol amant Pour nulle amye ert refreidant, Car tout amour luy est desdit. Trop fuist du Foldelit apris Uns philosophes de jadys, 9530 Qui Epicurus no_u_n avoit: Car ce fuist cil q’a son avis Disoit que ly charnels delitz Sov_er_ain des autres biens estoit, Et pour cela trestout laissoit Les biens del alme et se don_n_oit A sa caroigne; dont toutdis Depuis son temps assetz om voit De ses disciples, qui toutdroit Suiont s’escole a tiel devis. 9540 Reso_u_n est morte en telle gent Vivant no_u_n reson_n_ablement, Ensi com_m_e fait la beste mue. Si ont p_er_duz entendement, Ensi come pert son gustement Cil q’est malade en fiebre ague, Qui plus desire et plus mangue Contraire chose qui luy tue, Qu’il ne fait pain de bon frument Ou chose dont se revertue: 9550 Ensi qui Foldelit englue Del alme nul phisique entent. L’apostre par especial Ce dist, que l’om_m_e bestial Ne puet gouster ne savourer Viande q’est espirital: Rois Salomon dist autre tal, Q’en malvoise alme a demourer Puet sapience nulle entrer, N’en corps soubgit a folpenser 9560 Des vices qui sont corporal Jam_m_ais se deigne enhabiter: Car qui pecché voet herberger Tout bien forselot de son hostal. Ce dist Senec de sa science, Que la plus grieve pestilence[249] Q’om en ce siecle puet avoir, C’est foldelit d’incontinence, Qant om a sa caroigne pense Et s’alme laist a no_u_nchaloir. 9570 Ce sont ly porc horrible et noir Es queux ly deable ad son pooir, Com_m_e l’evangile nous ensense; Car qua_n_t ne sciet u remanoir, Lors Foldelit matin et soir Le herberge en sa conscience. Dieus, qui le saint p_ro_phete estable, Un mot q’est molt espoentable Par Amos dist, com_m_e vous dirrai: De la maiso_u_n foldelitable, 9580 Au leccherie acoustum_m_able, Ce dist dieus, ‘Je destruierai Le septre et tout anientirai, Q’onour ne joye n’y lerrai, Ainz trestout bien fray descheable.’ Des tieux p_ar_olles je m’esmay, Car tu scies bien et je le say, Que dieux dist ne puet estre fable. Du Foldelit naist Fol desir,