Cassodre en son escript recort, 11770 Et dist toute autre vertu mort, Si ceste n’est avant guyere. Ce dist Senec, q’en trestous lieus Om doit cherir et loer plus Maniere, car qui Man_er_e a, Il ad la guide des vertus. Car sanz Maniere sont confus Tout autre vertu q’om avra: Beauté, Jovente que serra, Richesce ou force a quoy valdra, 11780 S’il n’ait ove ce Man_er_e en us? Cil q’est discret, u qu’il irra, S’aucune chose luy faldra, Prent du Man_er_e le surplus. Pour la descrire p_ro_prement, Bon_n_e maniere en soi comp_re_nt De l’om_m_e toute la mesure, Dont il governe hon_n_estement Son corps et son contienement, Primer au creatour dessure, 11790 Et puis au toute creature: Trop halt ne vole a desmesure, Auci ne trop en bass descent, Ainz com_m_e voit venir l’aventure Des temps, des causes, a tout hure Se contient bien et sagement. Nature en soy se pourveoit, Les membres d’om_m_e qant fo_ur_moit, Si fist les beals ap_er_ticer, No_u_npas les lais, ainz les musçoit. 11800 Par tiele essample et tiel endroit Honesteté se fait guarder; Car des vertus dont aourner Se puet en faire ou en parler, Dont corps et alme enbelli soit, Se veste et laist les lais estier; Car nullement voet adescer La chose en quelle ordure voit. Primer qant hom_m_e dieus crea, Des deux natures luy fourma, 11810 C’est d’alme et corps ensemblement, Et deux delices leur don_n_a, Dont chascuns se delitera Au dieu loenge soulement: L’un est au corps tout p_ro_prement, Qe les cynk sens forainement Luy font avoir, mais pour cela Qe l’autre a l’espirit appent, Ce vient d’asses plus noblement Dedeins le cuer, u l’alme esta. 11820 Oïr, veoir, flairer, gouster, Taster, ce sont ly cynk porter, P_ar_ queux trestous les biens foreins Vienont le corps pour deliter; Mais q’om n’en doit pas mesuser Discrecio_u_n est fait gardeins. Car trestous biens qui sont mondeins Bons sont as bons, mais as vileins; Mais ly discret se sciet temprer, Q’il ja n’en ert p_ar_ mal atteins; 11830 Solonc q’il ad ou plus ou meins, Hon_n_estement se fait guarder. Ly bien mondain q’ay susnomé, Du quoy ly corps s’est delité Par les cynk sens, si j’en dirroie,[311] N’est q’une goute de rosée, Dont si mon corps ay abev_er_é Ma soif estancher ne porroie, Au regard de celle autre joye, Dont l’alme boit et se rejoye 11840 Pensant a la divinité: C’est la fontaine cliere et coye, La quelle saunté nous envoye, Si tolt la soif d’enfermeté. As ses disciples dieus disoit: ‘Quiconq_ue_ de celle eaue boit Qe je luy donne, en soy sourdra Une fontaine au tiel exploit, Q’en p_er_durable vie droit[312]