Encontre fole Necligence La quinte file ad no_u_n Science: Celle est de l’alme droit Priour, Q’el cloistre de sa Conscience Le cuer du fine intelligence Et le voloir sanz nul errour Defent et guart p_ar_ nuyt et jour. Du Reson est remembrançour, 14600 Que tout remeine en sa p_re_sence; Du temps passé est recordour, Et le p_re_sent voit tout entour, Et le futur pourvoit et pense. Science poise la parole, Ainçois q_ue_ de la bouche vole, S’il soit a laisser ou a dire; Car ja ne parle du frivole. Molt est apris du bon_n_e escole Cil q’a sa discipline tire; 14610 Bien dist, bien pense et bien desire, Bien sciet, bien fait, bien se remire, Du fine reso_u_n se rigole, Fole ignorance fait despire, Bien sciet la meene voie eslire P_ar_entre dure chose et mole. Science que depar dieu vient Mesure en sa science tient, Q’ensi l’apostre nous aprent, Disant que chascun s’en abstient 14620 De plus savoir q_ue_ luy covient, Mais q_ue_ l’en sache sobrement.[397] Saint Bernards le dist ensement, Et si nous donne essamplement De l’estomac, qui trop se ghient, Qant om le paist trop plainement; N’en puet avoir nourricement, Ainz maladie luy survient. Coment porroit en sa mesure Le sen d’ascune creature 14630 Savoir le sen du creatour? N’est pas reso_u_n, n’est pas droiture, Qe ly mortieux y mettont cure; Car ce n’app_ar_tient pas a lour, Ainz ferme foy et fin amour Ce doit om bien avoir tout jour A dieu luy toutpuissant dessure; Car autrement tout sont folour Les argumentz au desputour, Qant plus de sa science asseure. 14640 Qant le fils dieu, qui tout savoit, A ses disciples recontoit Par queux signals, p_ar_ quelle guise Le jour de juggement vendroit, Ils luy demandont la endroit Le certain temps de la Juise; Mais il leur dist que tiele assise En son poair dieus ot assise, Par quoy ne leur app_ar_tienoit Science de si halte enprise: 14650 Dont m’est avis, fole est l’aprise De plus savoir q_ue_ l’en ne doit. De saint Bernard ce truis escrit: ‘Ascuns y sont qui pour delit L’art du science ont conquesté; Mais qant om l’ad p_ar_ si mal plit, Lors n’est ce pas vertu parfit, Ainz vaine curiousité: Ascuns science ont covoité, Par quoy plus soient honouré, 14660 Et dont puissont avoir p_ro_ufit D’argent et d’autre digneté; Mais cils qui l’ont p_ar_ tiel degré, N’est pas honour, ains est despit.’ Cil q’ad science du clergie, Ne falt point qu’il se glorifie En beal parole noncier, Ainçois covient qu’il sache et die Dont soy et autres edefie Au bien de l’alme; et ce trover 14670 De saint Jerom bon essampler