Le ciel ma p_ro_pre sée guarnie P_er_est, et terre, ce sachetz, 15570 Est l’eschamelle de mes piés. Quel mestier ay, lors responetz, De vo richesce mal cuillie? No_u_n ay, ainz tout ert refusez: Mais quiq_ue_ fait mes volentés, Son do_u_n refuseray je mye.’ La questio_u_n je truis escrite Du bon saint Job, qui no_us_ recite: ‘S’almoisne vient du torte line, O quel espoir de sa merite 15580 En poet avoir cil ypocrite[420] Qui l’autri bien tolt p_ar_ ravine?’ Ce dont quide avoir medicine Luy fra languir, car la divine Justice almoisne ensi confite Desdeigne; car de la covine Dieus ne puet estre, u q_ue_ falsine Se melle, ainçois la tient despite. Quiconques par ypocrisie Almoisne don_n_e ou june ou prie, 15590 Ore escoultez com_m_e faitement Dist n_ost_re sire en Jeremie: Il dist que tiele gent faillie Semont le blé, mais nequedent, Qant messon vient darreineme_n_t, Nul fruit en ont, ainz folement[421] L’espine en cuillont et l’urtie,[422] Dont serront point molt asp_re_me_n_t: Ensi guilour pour guilement Serra guilé de guilerie. 15600 Almoisne est do_u_n, no_u_npas bargaign, Car droite Almoisne ne quiert gaign Rep_re_ndre de s’almoisnerie; C’est q’il ne quiert loer humain Du cuer, du bouche ne du main: Du cuer primer, ce signefie Qe veine gloire n’en ait mye, Dont en son cuer se glorifie, Ne de la bouche son p_ro_chain N’en quiert loenge en compainie, Ne d’autre main sa rewardie 15611 Attent forsq_ue_ de dieu soulain. Ce nous tesmoigne l’escripture, Qe sicom_m_e d’eaue la moisture Extaignt du fieu la violence, Si fait Almoisne en sa nature, Du pecché la tresvile ordure Extaignt del infernal descense; Dont falt que chascun se po_ur_pense, Pour luy de qui tout bien com_m_ence Don_n_er almoisne en sa mesure 15621 Pour espourger sa conscience; Car poy sont cils qui sanz offense N’eiont mestier de celle cure. O quel surcrois du gaignerie Almoisne prent en marchandie, Voir plus d’asses q_ue_ ly sergant Q’ot cink besantz a sa partie, Et pour ce q’il deinz sa baillie Les fist au double surcrescant, 15630 Sur cynk Cités fuist seigno_ur_ant: Mais qui d’almoisne est droit marcha_n_t Adquiert tout autre seignourie, L’amour de dieu q’est toutpuissant, Le ciel ove tout q’est pourtienant, En joye et p_er_durable vie. Je lis q’almoisne est le semaille Le quel, au fin qu’il cresce et vaille, En megre terre et no_u_n en crasse 15639 Om doit semer; car un soul maile Q’om de s’almoisne au pov_er_e baille Valt plus q’a don_n_er une masse[423] Au riche, q’ad tout plain sa tasse: Et qui du pité se desquasse