Q’ascune tache n’y appiert: Du ciel Almoisne est la portiere, Qui tous les soens ove lo_ur_ charrere Y laist entrer, qant on le quiert: Qant om saint Julian requiert Pour bon hostel, Almoisne y ert, [Sidenote: =f. 88=] Sicom_m_e la tresbon_n_e hostelliere: Almoisne ensi, com_m_e meulx affiert, A tout bienfaire se refiert, 15731 Et tous les mals met a derere.[426] Almoisne est faite en mainte guise, Dont je te dirray la divise, Bon est si tu l’entenderas: Primer tu q’as richesce adquise Dorras la cote et la chemise Au povre, qant nud le verras, De saint Martin t’essampleras; Manger et boire auci dorras 15740 As fameillous, car tiele aprise Del dieu com_m_andement en as;[427] Auci d’almoisne herbergeras Celluy qui n’ad meson u gise. Auci d’almoisne visiter Tu dois malade et prison_n_er De tes biens et de ta p_re_sence: D’almoisne don_n_e ton denier, U meulx le quidez assener, No_u_npas a chascun qui te tence, 15750 Ainz du suffraite l’evidence Tu dois sercher de ta prudence, Et u tu vois greigneur mestier, Dorretz du large main extense; Mais la plus grevouse indig_en_se[428] C’est riche en povreté to_ur_ner. Je lis d’un hom_m_e qui pieça Fuist riche, et puis luy fortuna Q’il devint povre, et po_ur_ soy pestre Trois de ses filles ordina 15760 Au bordell, siqu’il par cela Viv_er_oit, qant meulx ne poait estre. Mais celle nuyt p_ar_ sa fenestre Saint Nicholas, qui scieust bien l’estre, Argent et orr aval rua, Siq_ue_ l’almoisne de sa destre Les files ove leur fol ancestre Du pecché tint et remonta. O quel essample nous entrait Cil saint, q’ensi fist son aguait 15770 De nuyt pour ses almoisnes faire; Assetz le pot bien avoir fait Du jour, mais il volt son bienfait Celer sanz sa loenge en traire;[429] De tant estoit s’almoisne maire. Ly sages dist, ‘Si voes dieu plaire, Fai que ly povres almoisne ait Muscé trestout en secretaire Deinz son giro_u_n, car ly bienfaire De tiele almoisne a dieu s’en vait.’ Ensi l’almoisne de tes biens 15781 Dorras, et puis falt une riens, Qe si plus sages es d’autry[430] Et tu d’almoisne au droit soviens, En tous les lieus u q_ue_ tu viens Ton sen dorras a chascuny, Q’est du bon consail desgarny: Car Salomon te dist ensi, Qe s’au tiel point ton sen detiens, Tu pecchez, car l’orr enfouy 15790 Et sens muscé, qant n’est oÿ, Ne l’un ne l’autre vale riens. En general l’almoisne est grant, Qui plus sciet ou plus est puissant, Qant son voisin voit en destresse Du charge qui trop est pesant, Aider luy doit de maintenant De sa force et de sa vistesce, Pour supporter l’autry fieblesce;