Du quelle en nulle sessio_u_n N’est qui la part voet chalang_er_: Dont dist ly sage Salomon, 15880 Q’un tout soul oef deinz la meso_u_n Q’en ese l’en porra manger Meulx valt q_ue_ la meson plener Du qanq’ om porroit souhaider, U l’en doit manger en tenço_u_n. O com_m_e te dois eleëscer, Franche poverte sanz danger! Tous ont envye, mais tu no_u_n. Poverte sanz sollicitude, Tu es du vray beatitude 15890 Felicité, car tu deinz toy As sufficance et plenitude. Quiq_ue_ des gens ait multitude, Tu as soul dieu deinz ton recoy, Qui te pourvoit assetz du quoy, Dont tu te tiens peisible et coy, N’est qui tes biens de toy exclude. Ne say dont plus loer te doy; Si dieus te voet don_n_er a moy, Bien viene: ensi de toy conclude. 15900 =Ore dirra de la quarte file de F_ra_nchise, la quelle ad no_u_n Largesce, contre le vice d’Escharceté.= La quarte file ad no_u_n Largesce, Que d’Avarice n’est oppresse, Ainz hiet vilaine Escharceté: Franchise l’ayme et la p_ro_fesse, De son hostel com_m_anderesse L’ad fait pour sa grant largeté; Dont la pov_er_te en son degré Reçoit en hospitalité: Ne laist un soul avoir destresce Tant com_m_e porra du charité, 15910 Maisq_ue_ par trop necessité Son p_ro_pre estat en ce ne blesce. Car la vertu de mon escrit Ne parle yci du plus parfit,[432] Q’om doit ses biens tout refuser Et du pov_er_te le despit Souffrir du siecle en povre plit: [Sidenote: =f. 89=] Bien fait qui ce porra durer; Mais nepourquant ly droiturer, Qui dieus des biens fait habonder, S’il solonc sa richesce vit 15921 Et voet Largesce au droit mener, Ce doit souffire a son loer, Qant il est humble d’espirit. As bons est bon_n_e toute chose, Car l’om_m_e bon bien se dispose Des biens q_ue_ dieus luy ad don_n_é; Ne tient pas avarice close D’Escharceté, ainz la desclose Par mesure et par largeté 15930 Sanz point de p_ro_degalité. Ne quiert pour ce la renomée Du poeple ne la veine glose, Ainçois le fait de dueté, Au fin q_ue_ dieus l’en sache gré[433] Du conscience en la p_ar_close. La vertu de Largesce en soy Le my tient entre trop et poy; Dont si tu voes largesce faire, Fai selonc ce q_ue_ tu as quoy; 15940 Despen sur tiele gent et toy, U meulx verras q_ue_ soit a faire: Car si tu fais despense maire Que n’est du reso_u_n necessaire, Ce n’est largesce, ainz est desroy; Et sur la gent q’est de mal aire Si tu despens, c’est au contraire Du reso_u_n et de bon_n_e loy. Ice t’enseigne Marcial, Que soietz large et liberal 15950 Envers tous autres p_ar_ensi Q’a toy n’en facetz trop du mal;