“A 'll tell ye, then, what a've got frae a sure hand, an' it's the story o' mony a factor that is hauding the stick ower the heids o' freeborn Scottish men. “He's the cousin of an English lord, whose forbears got a title by rouping their votes, an' ony conscience they hed, tae the highest bidder in the bad auld days o' the Georges--that's the kind o' bluid that 's in his veins, an' it 's no clean. “His fouk started him in the airmy, but he hed tae leave--cairds or drink, or baith. He wes a wine-merchant for a whilie an' failed, and then he wes agent for a manure company, till they sent him aboot his business. “Aifterwards he sorned on his freends and gambled at the races, till his cousin got roond Lord Kilspindie, and noo he 's left wi' the poor o' life an' death ower fower pairishes while his lordship's awa' traivellin' for his health in the East. “It may be that he hes little releegion, as Drumsheugh says, an' we a' ken he hes nae intelligence, but he hes plenty o' deevilry, an' he 's made a beginnin' wi' persecutin' Burnbrae. “A'm an Auld Kirk man,” concluded Jamie, “an' an Auld Kirk man a 'll dee unless some misleared body tries tae drive me, an' then a' wud jine the Free Kirk. Burnbrae is the stiffest Free Kirker in Drumtochty, an' mony an argument a've hed wi' him, but that maks nae maitter the day. “Ilka man hes a richt tae his ain thochts, an' is bund tae obey his conscience accordin' tae his lichts, an' gin the best man that ever lived is tae dictate oor releegion tae us, then oor fathers focht an' deed in vain.” Scottish reserve conceals a rich vein of heroic sentiment, and this unexpected outburst of Jamie Soutar had an amazing effect on the fathers, changing the fashion of their countenances and making them appear as new men. When he began, they were a group of working farmers, of slouching gait and hesitating speech and sordid habits, quickened for the moment by curiosity to get a bit of parish news fresh from Jamie's sarcastic tongue; as Jamie's fierce indignation rose to flame, a “dour” look came into their faces, turning their eyes into steel, and tightening their lips like a vice, and before he had finished every man stood straight at his full height, with his shoulders set back and his head erect, while Drumsheugh looked as if he saw an army in battle array, and even Whinnie grasped his snuff-box in a closed fist as if it had been a drawn sword. It was the danger signal of Scottish men, and ancient persecutors who gave no heed to it in the past went crashing to their doom. “Div ye mean tae say, James Soutar,” said Drumsheugh in another voice than his wont, quieter and sterner, “ye ken this thing for certain, that the new factor hes offered Burnbrae the choice atween his kirk an' his fairm?” “That is sae, Drumsheugh, as a 'm stannin' in this kirkyaird--although Burnbrae himsel', honest man, hes said naething as yet--an' a' thocht the suner the pairish kent the better.”