[*leaf 138b] Compositys beɳ nomb{ur}s þat bene componyt of a digyt & of an articull{e} as fouretene, fyftene, sextene, & such oþ{er}. ffortene is co{m}ponyd of four{e} þat is a digit & of ten þat is an articull{e}. ffiftene is componyd of 5 & ten, & so of all oþ{er}, what þat þai ben. Short-lych eu{er}y nomb{ur} þat be-gynnes w{i}t{h} a digit & endyth in a articull{e} is a composyt, as fortene bygennyng{e} by four{e} þat is a digit, & endes in ten. ¶ Ergo, p{ro}posito nu{mer}o tibi scriber{e}, p{ri}mo Respicias quid sit nu{merus}; si digitus sit P{ri}mo scribe loco digitu{m}, si compositus sit P{ri}mo scribe loco digitu{m} post articulu{m}; sic. [Sidenote: How to write a number, if it is a digit; if it is a composite. How to read it.] ¶ here he telles how þ{o}u schalt wyrch whan þ{o}u schalt write a nomb{ur}. Expone v{er}su{m} sic, & fac iuxta expon{ent}is sentencia{m}; whan þ{o}u hast a nomb{ur} to write, loke fyrst what man{er} nomb{ur} it ys þ{a}t þ{o}u schalt write, whether it be a digit or a composit or an Articul. ¶ If he be a digit, write a digit, as yf it be seuen, write seuen & write þ{a}t digit in þe first place toward þe ryght side. If it be a composyt, write þe digit of þe composit in þe first place & write þe articul of þat digit in þe secunde place next toward þe lyft side. As yf þ{o}u schal write sex & twenty. write þe digit of þe nomb{ur} in þe first place þat is sex, and write þe articul next aft{ur} þat is twenty, as þus 26. But whan þ{o}u schalt sowne or speke [*leaf 139a] or rede an Composyt þou schalt first sowne þe articul & aft{ur} þe digit, as þ{o}u seyst by þe comyn{e} speche, Sex & twenty & nouȝt twenty & sex. v{er}sus. ¶ Articul{us} si sit, in p{ri}mo limite cifram, Articulu{m} {vero} reliq{ui}s insc{ri}be figur{is}. [Sidenote: How to write Articles: tens, hundreds, thousands, &c.] ¶ Here he tells how þ{o}u schal write when þe nombre þ{a}t þ{o}u hase to write is an Articul. Expone v{er}sus sic & fac s{ecundu}m sentenciam. Ife þe nomb{ur} þ{a}t þ{o}u hast write be an Articul, write first a cifre & aft{ur} þe cifer write an Articull{e} þus. 2φ. fforthermor{e} þ{o}u schalt vnd{ir}stonde yf þ{o}u haue an Articul, loke how mych he is, yf he be w{i}t{h}-ynne an hundryth, þ{o}u schalt write bot on{e} cifre, afore, as her{e} .9φ. If þe articull{e} be by hym-silfe & be an hundrid euen{e}, þen schal þ{o}u write .1. & 2 cifers afor{e}, þat he may stonde in þe thryd place, for eu{er}y fig{ure} in þe thryd place schal token a hundrid tymes hym selfe. If þe articul be a thousant or thousandes[{3}] and he stonde by hy{m} selfe, write afor{e} 3 cifers & so forþ of al oþ{er}. ¶ Quolib{et} in nu{mer}o, si par sit p{ri}ma figura, Par erit & to{tu}m, quicquid sibi co{n}ti{nua}t{ur}; Imp{ar} si fu{er}it, totu{m} tu{n}c fiet {et} impar. [Sidenote: To tell an even number or an odd.]