“In vinca Domini exercituum laboramus expugnando luteranam istam Angliae Reginam; toto enim hoc triennio elapso, prout jam bellum gerimus, in armis sumus. Nostrum omnemque statum omniaque nostra exposuimus periculo evidentissimo semper perdendi, bellumque istud in Hibernia propter causas subsequentes his tribus annis elapsis in manus libentissime assumpsimus, nimirum quod sanctae matris Ecclesiae causa erat, ac quod Vestra Sanctitas jussit, atque hortabatur ut rem inciperemus. Mihi meisque omnibus minime peperci, oppida, villas et pagos, arces et castra cum fratribus nostris Joanne et Jacobo de Geraldinis ac sexdecim aliis ex nostra domo, in hoc bello perdidimus: nihilominus quamdiu vita comes fuerit istud bellum prosequemur contra Angliae maledictam Reginam donec S. Sanctitas ac sua majestas Catholica nos juverit ut possimus haereticos propellere ex Hibernia totumque Regnum subjicere legibus sanctae matris Ecclesiae. Et quia hactenus praestolationem istius subsidii experimur, harum latorem Episcopum Laonensem nostro et omnium nobilium hujus causae consensu ambasciatorem et sollicitatorem universi negotii ad Suam Sanctitatem et ad S. majestatem Catholicam mittimus cui V. Sanctitas omnem fidem dabit, illumque ita auscultet non secus quam nos si praesentes fuissemus auscultaret, rogantes obnixe V. Sanctitatem (cui pedes humili animo exosculamur) ut nostram inquietudinem et longam perturbationem animadvertat auxiliumque cum hoc nostro ambasciatore mittatur quo poterimus confringere audaciam adversariorum Christi Ecclesiae. Expediret denique ut V. Sanctitas auctoritatem nuncii in negotiis ecclesiasticis mitteret ad Laonensem Episcopum et potissimum ut ipsi liceat pontificalia officia exercere ubicumque se invenerit cum licentia ordinarii; vir enim spectatae vitae et virtutis magnaeque spei apud omnes est, huicque causae addictissimus, ac fidelissimus. “Datum in Castris Catholicorum in Hibernia, die 1 Septembris, 1582. "Sanctitatis Vae. addictissimus servus, “GEROL DESMOND”. Two months later the second letter was addressed to the same great pontiff: “SANCTISSIME PATER,