“Litteras comitis Desmoniae Generalis Catholicorum in Hibernia cum nostris litteris mittimus ad suam Sanctitatem ex quibus sua Dignatio Illustrissima plenius intelligat negotium, operamque det, quaeso, ut huic sanctissimae caussae jam tandem subveniatur: alioquin actum erit de comite Desmoniae caeterisque Catholicis qui arma elevarunt fidei defensionis causâ, patriaque illa Hibernia impiâ potestate reginae maledictae Angliae omnino subjiciatur. Sua Dignatis Illustrissima dignetur responsum illarum litterarum suae Sanctitatis per Nuntium Apostolicum Hispaniarum ad nos mittere. Caeterum talis clausula habetur in mea Bulla quod extra meum episcopatum etiam cum licentia ordinarii non possem exercere pontificalia. Proinde rogo suam Dominationem Illmam. ut dignetur alloqui ea de re Suam Sanctitatem, mihique hinc oris oraculo vel in scriptis impetrare ut possim cum licentia ordinarii exercere pontificalia, multum enim hoc proderit. Valeat sua dominatio Illustrissima in Christo Jesu. “Ex Ulissipona 22 mensis Sept., 1582. “Illustrissimae Dominationis vestrae, “addictissimus servus, “CORNELIUS LAONENSIS Episcopus”. 2. The second letter is addressed to Pope Gregory XIII., from Madrid, the 4th December, 1582: “BEATISSIME PATER, “Cum primum appuleram Ulissiponam ex Hibernia, scripsi Suae Sanctitati omnem statum totius istius negotii Hiberniae litterasque comitis Desmoniae Generalis Catholicorum per Nuntium Apostolicum Hispaniarum suae Sanctitati misi. Tandem usque modo omni diligentia egi cum rege Catholico, ut negotio subveniret: hanc resolutionem jam recepi, usque quod sua Majestas sit parata ut subveniat ac quod in Lusitania habet milites paratos ad expeditionem istius negotii, et quod istud cum sit negotium sanctae matris Ecclesiae et fidei restituendae in Hibernia, necesse esse, ut Vestra Sanctitas juvet atque subveniat, et istud subsidium quod exigitur est pecuniarum ut praedictis militibus stipendia solvantur. Tandem jussum est ut ego conferrem me Madritium ut cum Nuntio Apostolico et Cardinali Granvelano agerem ut ipsi cum Sua Sanctitate solertes agant, ut Sua Sanctitas ordinet quibus mediis et quo ordine hoc fiat: quare cum istud negotium sit positum in sinu Sanctitatis Vestrae, atque ab ipso omnino emanat, rogo atque obtestor S. Sanctitatem ut dignetur subvenire, ordinemque praescribere, ut pecuniae in subsidium et ad expeditionem istius negotii dentur ut militibus stipendia solvantur, digneturque cum sua Majestate agere ut videlicet sine dilatione incipiat vel cum ipsa postulat, ut non differatur, alioquin actum erit de statu totius regni Hiberniae et scintilla fidei quae illic adhuc remanet omnino extinguetur, illudque Regnum quod semper in gremio sanctae matris Ecclesiae quievit et floruit omnino subjicietur impiae potestati Reginae maledictae Angliae.