words from entering Port Royal, on the ground that there would be no profit in the undertaking, from which they, nevertheless, afterwards obtained an uncommon booty; because he was unwilling to become a guide to those places where plunder was sought; moreover, because slanders had been uttered against him by some Frenchmen in that region; for all of which reasons he offended Argall and Turnell deeply, to his own great peril. REGIO Portu digressus Argallus in Virginiam contendebat, ineunte Nouembri, anno sexcentesimo decimo tertio, sed postridiè quàm soluerat, atrocissima tempestate diuulsæ naues in lõgè diuersas oras abierunt: Argalli quidem Prætoria in Virginiam tandem est delata: minor è duabus nostris captiuis cum suis vectoribus nũquam deinde comparuit: alia captiua maior, cui Turnellus præsidebat, quaque vehebamur, sedecim dierum continentibus procellis fœdè vexata, pæne absumtis cibariis desperationem iam adierat, cùm cadente denique tempestate, in Virginiam secundo vento iter intendere cœpimus. Vicenis quinis leucis, haud ampliùs, aberamus Virginiæ littore, vbi de nostra nece à Præfecto decernebatur eóque nobis ea nauigatio erat odiosa, cùm derepente coortus aduersus ventus proram in _Asoras_ Lusitanorum insulas [598] obuertit, septingentis pæne leucis inde recto itinere in Ortum sitas. Eius certè venti vis quòd nihil intermitteret, Turnellus præuidebat non nisi capitis sui periculo in Lusitanorum potestatem se vẽturum, qui captiuos Sacerdotes, per summam iniuriam domicilio suo auulsos, spoliatosque secum traheret; & eo quidem angebatur magis, quòd Patrem Biardum Hispaniensis generis esse crederet, falsis Porturegiensium Gallorum accusationibus persuasus, vt eius noxæ criminationem apud Lusitanos non immeritò reformidaret, si nostri Patres ad se accusandum animos adiicerent. Ea re ingenuè fatebatur vim Numinis, innocentium iniuriã vlciscentis, sibi ac suis in ea nauigatione infestam meritò esse, qua calamitate fractus, qui calumniis sua culpa temerè persuasus, Patri Biardo valdè infensus in eum diem fuerat, magnopere deinde mitigari, eique placatior cœpit fieri. Vt autem ventorum violentia non adigeret ad _Asoras_: cibariorum tamen eò etiam nolentes amandabat, & aquæ dulcis penuria; quamobrem Turnello videndum erat, ne quid ipsi damni arcesseret Patrum nostrorum præsentia, ex quibus periculi nihil imminebat, si naue procul in anchoris inhærente, per scapham in portum missam necessaria annona pararetur, quod futurum Turnellus sperauerat. Contrà verò quàm crederet, accidit: appulsis enim ad Faëalem insulã Asorarum vnam, subeundum fuit in portum intimum, atque in ciuium oculis inter cæteras naues consistendum: quò vehementiùs paullò inuectis, cùm nostra nauis in Hispaniensem saccari nauẽ impacta, [599] proræ anterius velum detersisset, Nauarchus Hispanus piratam conclamauit, turbamque nauticam ad arma exciuit. Paucis antè hebdomadis Gallus subita irruptione nauem in eodem portu spoliauerat,