Mais encores d'autre costé c'est vn grand fruict, que la confiance & amitié que les Sauuages ont prinse auecques les François, par la grande familiarité, & hantise, qu'ils ont eu auec eux. Car tousiours faut-il mettre ceste base auant que d'esleuer le chapiteau; sçauoir est, de les nous rendre ou citoyens, ou bons hostes, & amis auant que de les auoir pour freres. Or ceste confiance, & ceste [308 i.e., 310] priuauté est ja si grande, que nous viuons entr'eux auec moins de crainte, que nous ne ferions dans Paris. Car dans Paris nous n'oserions dormir, que la porte bien verrouïllée; mais là nous ne la fermons que contre le vent, & si n'en dormons pas pour cela moins asseurez. Au commencement ils nous fuyoi[~e]t, & craignoyent: ores ils nous desir[~e]t. A nostre premiere descente, & visite de S. Sauueur, nous fismes semblant, que la place ne nous agreoyt pas, & que voulions aller autrepart, ces bonnes gents du lieu en pleuroyent, & lamentoyent. Au contraire, le Sagamo de Kadesquit, appellé Betsabes, s'en vint pour nous y attirer auec mille promesses, ayant ouy que nous pretendiõs de nous y aller loger. Est-ce peu que d'auoir ce si bon fondement de Iustice en nos peuplades, & ce tant [309 i.e., 311] asseuré gage de bon succez? Et ne faut point estimer que les autres Nations ayent porté ceste amitié aussi bien que nous. Car nous sommes tesmoins oculaires, comme lesdicts Sauuages ayants rencontré vn auantage (à leur aduis) contre les Anglois, se ruerent sur eux furieusement, pensants comme ie croy tirer quelque reuenche de l'iniure, qui nous auoit esté faicte: mais le bon-heur ne les seconda pas en leur attaque. Pareillement, sur la fin de l'an 1611. les Holandois voulans seulement descendre au Cap de la Heue, pour y faire aiguade, nos Sauuages les assaillirent brusquement, & en defirent six, entre lesquels estoit le Capitaine du nauire. Il me semble, que nous serons indignes de ceste bienvueillance, si nous ne faisons, qu'elle leur profite à aymer celuy, de qui nous [310 i.e., 312] receuons tous nos biens.