have moeved grete wyndes and tormentes / & drowned many ſhippes / & ſlayn many men / and Sathan ſayde how longe haſt thow ben aboute thys / & he ſayd +vvii+ dayes / & Sathan ſayd haſt thou done no more in this tyme / & commanded that he ſhold be beten / and the third cam / & ſaid / I have ben in a Cyte & have mevyd ſtryves and debate in a weddynge / and have ſhed moche blood / & have ſlayne the hoſbond / & am come to telle the / & ſathan ſayd / in what time haſt thou done this / & he ſaid in ten dayes / & he ſayd haſt thou done no more in that time / & commanded them that were aboute hym to bete hym alſo / Thenne cam the fourth & ſayd / I have ben in the wylderneſs fourty yere / and have laboured aboute a monke / & unnethe at the laſte I have throwen & made hym falle in the ſynne of the fleſſhe / & when ſatan herd that / he aroos fro his ſete / & kyſſed hym / & tooke hys crowne of his hede / & ſet it on his hede / & made hym to ſytte with hym / & ſayde / thou haſt done a grete thynge / & haſt laboured more / than all thother / and this may be the maner of the vyſyon / that ſaynt gregorye leveth / whan eche had ſayd / one ſterte up in the myddle of them alle / & ſeyd he hadde mevid Andrewe ageynſte the name / & had mevyd the fourth part of his fleſhe agenſt her in temptacion / & therto / y^t yeſterday he drough[46] ſo moche his mynde on her / that in the hour of evenſonge he gaf to her in Iapping[47] a buſſe[48] / & ſeid pleynly y^t ſhe muſt here it that he wold ſynne with her / thenne the mayſter commanded hym that he ſhold perform y^t he had begonne / & for to make hym to ſynne he ſhold have a ſyngular Vyctory and reward among alle the other /. And thenne commaunded he that they ſhold goo loke who that was that laye in the Temple / And they wente / & loked / And anone they were ware / that he was marked with the ſigne of the croſſe / And they levynge aferd eſcaped / and ſayd / veryly this is an empty veſſel / alas / alas / he is marked /. And with[49] thus wys alle the company of the wykked ſprytes vanyſſhed awaye / And thenne the Iewe al amoevyd cam to the biſſhop / and told to hym all by ordere what was happend / And whan the biſſhoppe herd this / he wept ſtrongly / and made to voyde all the wymmen oute of his hows / And thenne he baptyſed the Iewe. [Sidenote: 50 _Bit._]