men / and fro thennes hit was brought ageyne into my countreye / & it was left to me by my parentes by rightful herytage / & this was done in y^e yere of our lord ſeven honderd and fifty / and thenne alle the Iewes halowed[41] their ſynagogues in to chirches and therof cometh the cuſtoume that Chirches ben hallowed / For tofore that tyme the aultres were but halowed only / and for this myracle the chirche hath ordeyned / that the fyfte Kalendar of december / or as it is redde in another place / the fyfthe ydus of Novembre ſhold be the memorye of the paſſyon of oure lord / wherfor at Rome the chirche is halowed in thonoure of our ſavyour whereas is kepte an ampulla with the ſame blood / And there a ſolempne feſte is kepte and done / and there is proved the ryght grete vertue of the croſſe unto the paynyms and to the myſbylevyd men in alle thynges /. [Sidenote: 42 _Fiend._] [Sidenote: 43 _Power._] [Sidenote: 44 _Each or every one._] [Sidenote: 45 _Attendants._] [Sidenote: 46 _Drew._] [Sidenote: 47 _Jeſt._] [Sidenote: 48 _Kiſs._] [Sidenote: 49 _In this wiſe._] And ſaynt Gregory recordeth in the thirdde booke of his dyalogues / that whanne andrewe Biſſhop of the Cyte of Fundane ſuffred an holy noune to dwelle with him / the fende[42] thenemy beganne temprynte in his herte the beaulte of her / in ſuch wiſe / that he thought in hys bedde wycked and curſyd thynges / and on a daye a Iewe cam to Rome / and whanne he ſawe / that the day fayled / and myghte fynde no lodgynge / he wente that nyght / and abode in the Temple of appolyn /. And bycauſe he doubted of the ſacrylege of the place / how be hit / that he hadde no faythe in the Croſſe / yet he markyd and garnyſſhed hym wyth the ſigne of the Croſſe / then at mydnyght whan he awoke / he ſawe a companye of evylle ſprytes / whiche went to fore one / like as he hadde ſomme auctoryte puyſiance[43] above thother by ſubiection / and thenne he ſawe hym ſytte in the myddes among the others / and beganne to enquyre the cauſes and dedes of everyche[44] of theſe evylle ſprytes / whyche obeyed hym / and he wold knowe / what evylle everyche had doo / But Gregory paſſyth the maner of this vyſyon / bycauſe of ſhortnes / But we fynde ſemblable in the lyf of faders / That as a man entryd in a Temple of thydolles / he ſawe the devylle ſyttynge / and all his meyny[45] aboute hym. And one of theſe wycked / ſprytes cam / and adouryd hym / and he demaunded of hym / Fro whens comeſt thow / and he ſayd / I have ben in ſuch a provynce / and have moeved grete warres / and made many trybulacions and have ſhedde moche blood / and am come to telle it to the / and Sathan ſayd to hym / in what tyme hath thow done this / and he ſayd in thyrtty dayes and Sathan ſayd / why haſt thow be ſoo longe there aboutes / and ſayd to them that ſtode by hym / goo ye and bete hym / and all to laſſhe hym / Thenne cam the ſecond and worſſhiped hym / & ſayde Syre I have ben in the ſee / and