26. 1551 años ulci padre Guadian Fr. Fernando Guererro Saci Sisal lai oces haa tu hol uinicob lai chunbezob cristianoil uay tu cuch cabal Saci tulacal, tal chikin Cheel, tali Ecab, tali Cusamil, tali ti xaman, tali ti nohol, xan lai chunmes[207-1] u pakal monisterio Saci Sisal. 27. Lae 1552 años lai hab cahciob padresob yokab cuchi; lai yabil ulcob ah canbesah _y_ kayob uai Zisale, talob chikin laobi canbez u kayob missa y bisperas ti canto de organo _y_ chul y cantolano ti hunkul ma ohelon uai cuchi. Lae 1553 años lai hab ca uli Oidor D. Tomas Lopes uai tal lumil Yucatan lae tali Castella ca uli tu [207-2]chibil tumen ca noh ahau Rey ahtepal de Castilla u yanton tu kab Españolesob uaye, lai haues ca tocabal tumen Españolesob, laix haues u chi on pek, laix ti chunmes u yanhal batabob ti cahal cah, ca tu ɔa u barail, laix ti ɔai u takail patan xan oxppel u yocol patan ti Españolesob yub te cib uluum ixim cħoyche y sulbiltab _y_ yic, buul, yib cuum, xamach, ppuul, ca muc yoklal patan ta c yumil ɔulil c beta ti matac oidor ɔaic u nucul bahunbal; lai uchci u cħabal kul chuuc tumen AhMacan Pech ca lukon Sisal yoklal u katci ah chucil kulchuc, lae tumen lai toci u chucil Ah Ceh Pech uay Cupul, lae lai talic uai tu pach Ah kin Pech Macan Pech u palil Ahmacan Pech yetel u nacomob ti cab Yaxkukul lae. 28. De 1519 años lai hab ca uli Españolesob uai tac cahal Con ah Ytza uai ti lum Yucatan, lae lai cin chicilbesah u kinil, yuil _y_ yabil yan canal, Cen D^n Pablo Pech, u mehen en D^n Martin Pech, ti Xulcum Cheel, concixtadoren, uai lae Maxtunil yetel Cħac Xulub Cħen, tal kamah ix ɔulob tu uolol ca puczikal, maix ca ɔaab katun yah tiob laob lae D^n Juan de Montejo Adelantado y u chayanil capitanob bay yanil u kabaob ti libro; ton ix yax kamah Cristianoil concixtadores D^n Martin Pech u mehen D^n Fernando Pech, D^n Pablo Pech u mehen en D^n Martin Pech, hel tu yoxlahunpis u kinil u de Octubre de 1518, ocic ha tu holob in mektan cahilob ti hunmolhob Maxtunile, ti ocol ha tu polob tumen yax obispo D^n Fran^co Toral ti Maya uinicob; ca [208-1]oha tu polob men ca yum obispo lae cat [208-2]es sabi u uinbail santo tiob cahob tulacal u uinbail S. Pedro _y_ S. Pablo y S. Juan, y S. Luis _y_ S. Antonio _y_ S. Miguel _y_ S. Francisco _y_ S. Alonso y S. Agustin y S. Sebastian y S. Diego, ca u [208-3]ɔibotahob oleos ca u kabatah P^o yan cħa oleos. 29. Lay u kahlail tulacal lae tin hun molcinzah uay ti librose uchebal u nuctic uba uinicob himac bin oltic yohelto u ɔoc lukanil yanomal ca noh ahau Dios uchac tumen tusinile.--U patanil hibic ulci Españolesob uay tac lumil lae tumen u yolat ca yumil ti Dios ahtepal uay ti peten; lae baix u than ca yum Señor D^n Juan de Montejo y D. Fran^co de Monte lay yax ulob uai tac lumil lae laix tu ɔah u thanil u cumtal iglesia ti ɔucenɔucil cahob u hol cababob y yotoch cah u kuna ca yum noh ahau bay u cah mensone u yotoch ah na mulbeobe[209-1].