Mare istud mortuum determinat fines terrae promissionis, et Arabiae. Ideoque vltra ipsum mare condidit quondam, vnus successorum Godfridi de Bollion forte et spectabile castrum, ponens illic copiosam Christianorum militiam ad terram promissionis custodiendum. Nunc vero, temporis, est Soldani, et appellatur Caruth, id est mons Regalis. Sub hoc monte est villa dicta Sobal: habitat in illis partibus magna Christianorum multitudo. CAPVT. 19. De Nazareth, et Samaria. Nazareth in prouincia Galileae in qua nutritus, et de qua cognominatus est Dominus vniuersorum, distans ab Hierosolymis ad tres circiter dietas, erat quondam ciuitas, quae nunc est dispersa, et rara domorum, quod vix villae sibi competit nomen: et in loco Annunciationis, vbi Angelus ad Mariam dixit, Aue gratia plena, Dominus tecum, habebatur olim bona Ecclesia, pro qua paruum Saraceni restituerunt habitaculum, in colligendas peregrinorum offerendas. A Nazareth redeundo per terrain Galileae, transitur per Ramathaym Sophim, vbi nascebatur fidelis Samuel propheta Domini, et per Sylo, vbi locus orationis erat antequam in Ierusalem: et per Sichem magnae vbertatis vallem, itur in prouinciam Samariae, vbi habetur et bona ciuitas nunc dicta Neapolts, distans, a sancta vrbe spacio solius dietae, ac per fontem Iacob, super quem Iesus fatigatus ab itinere colloquebatur Samaritonae, vbi et apparet ruina destructae Ecciesiae quondam illic habitae. Et est ibi villa adhuc vocata Sychem, et in eo est mausoleum Ioseph patriarchae filij Iacob: ad cuius ossa visitanda sub deuotione non minus peregrini Iudaei adueniunt, quam Christiani. [Sidenote: Samaria nunc Sebaste.] Hinc satis prope est mons Garizin cum vetusto templo orationis Samaritanorum: ex tunc intratur Samaria quae modo appellatur Sebaste, et est illius principalis ciuitas pronunciae. In qua fuit primum terrae mandatum corpus beati Ioannis Baptistae inter sacra corpora Helizaei, et Abdiae Prophetarum, vt quorum assimilibatur virtutibus in vita, corporibus iungeretur in sepultura. Haec quoque distat ab Hierosolymis: fortassis a dietas. [Sidenote: Nota.] Habetur et alius puteus aut fons intra illa montana, quem plerique similiter fontem Iacob appellant, cuius aqua secundum quatuor anni tempora variatur a suo colore, vt sit quandoque clara, quandoque turbida, nunc viridis, et nunc rubra. [Sidenote: Ogerus Dux Danus.] Certum est autem tempore Apostolorum cum Samaria recepisset verbum Dei, illos fuisse conuersos, et baptizatos, in nomine Domini Iesu, et tamen postea per quendam Caliphorum peruersos, Ogerus dux Danorum per Templariorum virtutem rursum subiugauit Christianitati: sicque post plures euentus, et variationes, illi qui nunc sunt Samaritae, finxerunt sibi haeresim propriam, et ritum ab omnibus nationibus singularem.