Inde vlterius procedendo in Austrum per multas et mirabiles terras quinquaginta duarum diaetarum spacio, habetur magna Insula Lamori. Illic omnes nudi incedunt, et fere omnia sunt singulis communia, nec vtuntur priuatis clauibus siue seris, imo et omnes mulieres sunt communes omnibus et singulis viris, dummodo violentia non inferatur: Sed et peior est ijs consuetudo, quod libenter comedunt teneras carnes humanas: vnde et negotiatores adferunt eis crassos infantes venales: quod si non satis pingues afferuntur, eos saginant sicut nos vitulum, siue porcum. Hic apparet in bona altitudine polus Antarcticus, et incipit modo apparere in alta Lybia, ita quod in alta AEthiopia eleuatur octodecim gradibus, prout ipse prohaui Astrolabio. Ad meridiem terrae Lamori est Insula bona, Sumebor, cuius gentes reputant se nobiliores alijs, signantes se in facie certo cauterio. Isti semper guerras geerunt contra praefatus gentes nudas de Lamory. Ad modicam inde destantiam habetur Insula Rotonigo abundans in bonis pluribus: sed et in Austrum sequuntur aliae plures regiones et Insulae, de quibes prolixum narrare fuisset. Et est valde grandis regio Iaua, habens in circuitu ambitum leucarum duarum millium. Huius rex est valde potens, et imperans septem insularum vicinarum regibus. Terra ista est populosa valde, et crescunt in ea species, et abundantia gingiberis, canella, gariofoli, nuces muscata, et mastix cum aromatibus multis. Sed et quod ibi nascatur vinum, non habent: aurum et argentum est ibi in copia immensa, quod patet in regis Iauae palatio, cuius palatij nobilitas non est facile scribenda. Cuncti gradus ascendentes ad palatij aulas, et aularum cameras, et ad thalamos Camerarum sunt solidi de argento vel auro, sed et omnis stratura pauimentorum in alijs habetur ad similitudinem scacarij, vnam quadratam argenti, alteram auri, laminis valde crassis, et in ipsis pauimentis, sunt exsculpta gesta, et historiae diuersae. In principali vero aula, est plenarie expressa Dani Ducis Ogeri historia, a natiuitate ipsius, quousque in Franciam fantastice dicatur reuersus, cum tempore Caroli magni regis Franciae, ipse Ogerus armata manu conquisiuit Christianitati fere omnes partes transmarinas a Ierosolymis vsque ad arbores solis et Lunae, ac prope paradisum terrestrem. Pro hac Regione Iaua, (quae tangit fines Imperij Tartariae) sibi subiuganda, Imperator Grand Can multoties pugnauit, sed nunquam valuit expugnare. Hinc per mare venitur ad regnum Thalamassae, [Footnote: Vel Tholomassi.] quod et Panchon [Footnote: Vel Paten.] dicitur, in quo habetur magnus numerus bonarum ciuitatum. Intra hanc Insulam, quatuor sunt genera arborum, de quarum vna accipitur farina ad panem, de secunda mel, de tertia vinum, et de quarta pessimum venenum. Extrabitur autem farina de suis arboribus isto modo.