[Sidenote: Hyeme praecipue iter faciunt per terram.] Nec valet a nostris partibus ingredi ad illam nisi tempore gelicidij, quod ad introitum eius sunt tres dictae, de via molli, aquatica, et profunda, in qua dum viator putaret se stare securum, profunderetur in lutum ad tibias, ad genua, ad femora vel ad renes: hoc ergo sciendum quod paucissimi tendunt per hanc viam in terram promissionis: Nam iter est graue, distortum, longum, et periculosum sicut audistis, imo periculosius quam scribo. CAPVT. 6. Via de Cypro vel Ierusalem vsque in Babyloniam AEgypti. Descripto sicut potui tripliciter itinere in terram sanctam, restat videre de duabus alijs vijs, quae incidenter solent contingere peregrinis: Multi namque illorum ex speciali deuotione desiderant visitare ossa beatissimae Virginis Catharinae in monte Sinay: [Sidenote: Babylonia Aegypti.] Cum igitur ipsis sit necessarius Soldani Babyloniae conductus eo quod Imperator sit, et dominus omnium illarum terrarum, quidam postquam perueniunt in Cyprum tendunt primo in Babyloniam AEgypti, pro impetrando conductu securo, atque inde pergentes in Sinay vadunt in Ierusalem. Quidam vero postquam perfecerunt peregrinationem Hierosolymitanam, pergunt per terras ad Soldanum pro conductu, et tum in Sinay, propter quod vtramque viam breuiter describo. [Sidenote: Damiata portus Aegypti.] De Cypro in AEgyptum itur per mare relinquendo Hierosolymorum terram ad manum sinistram, et accipitur primus portus AEgypti, dictus Damiata: ibi quondam fuit Ciuitas valde munita, sed quod Christiani illam, primi et altera vice ceperunt, Sarraceni vltimo destruxerunt, et aliam remotius a mari eiusdem nominis Ciuitatem aedificauerunt: [Sidenote: Alexandria.] Hinc venitur in portum Alexandriae AEgypti, quae est Ciuitas magna, pulchra, et fortis valde, sed absque aquis potabilibus. Adducit tamen sibi per longos ductus aquam Nili fluminis in cisternis ad potandum. Alexandria nobilis, 30. stadia habet longitudinis decemque in latum. In ea restant adhuc plures Ecclesiae a tempore Christianorum, sed Sarraceni non sustinentes picturas Sanctorum omnes parietes albauerunt. De Alexandria per terras venitur in Babyloniam AEgypti, quae etiam fundata iacet supra praedictum Nilum fluuium: Dicitur autem haec Babylonia minor ad differentiam magnae Babyloniae, siue Babel, vbi Deus linguas confudit olim, quae tendendo inter Orientem et Septentrionem distat ab ista dietas circiter 40. nec est sub potestate Soldani, sed Imperatoris Persarum, qui illam tenet in homagio ab Imperatore Cathay, dicto, Grand Can. [Sidenote: Cayr ciuitas.] Haec autem Babylonia AEgypti est Ciuitas grandis et fortis, tamen valde prope eam est alia maior dicta Cayr, in qua vt saepius residet Soldanus, quanquam Babylonia nomen per seculum diffusius est cognitum: Altera autem via peregrinorum de Hierosolymis pro conducta tendentium ad Soldanum talis esse potest. [Sidenote: Abilech desertum.] Primo tendant de Ierusalem in supra dictam Gazam Palestinorum, inde ad