apparet alterius quam Citrini coloris sciatur non simplicis, sed cuiuscunque commixtae substantiae, vel ita spissum, vt non possit fluere, scitote sophisticatum. Item si posueris modicum veri Balsami in manus palma, non poteris sustinere eam linialiter in feruore splendentis Solis ad spacium recitandae Dominicae orationis. Item si in clara flamma ignis vel candeliae cereae miseris punctum cultelli cum gutta puri Balsami, ipsa gutta de facile comburetur. Item si in scutella munda cum puro lacte caprino posueris modicum veri Balsami, statim, miscebit se, et vnietur cum lacte, ita vt Balsamum non cognoscetur. Item e contra, si posueris verum Balsamum cum aqua Lympida, nunquam miscebit se aquae, etiamsi aquam moueris vehementer, imo Balsamum semper tendit ad fundum vasis, nam est in sui quanitate valde ponderosam, et iuxta quod minus ponderosum inueneris, amplius falsificatum noueris. CAPVT. 9. De Nile fluuio, et Aegypti territorio. Nilus supra dictus fluuius Aegypti appellatus est alio nomine Gyon, cuius origo est a Paradiso terrestri. Hic venit currens per deserta Indiae Maioris, hincque per meatus subterraneos transit plures terras: exiens sub Monte Aloth, inter Indiam et Aethiopiam, et Mauritaniam intra deserta Aegypti, irrigans totam longitudinem Aegypti vsque ad Alexandriam, ibique se perdit in mare. [Sidenote: Inundatio Nilo.] Sole intrante signum Cancri omni anno hoc est, ad quindenam ante Festum Natiuitatis Ioannis Baptistae incipit paulatim fluuius crescere, et inundare, quousque sol intret Virginem, quod est circa Festum Laurentij, atque ex tunc decrescere, et minui, donec Sole veniente in Lybram intra suos alueos se conseruet: Dumque per inundationem nimis effluit, damnificat terrae culturas, et fit Charistia in Aegypto. [Sidenote: Raro in Aegyptio pluuia.] Et similiter dum parum exundat, ingruit esuries, quoniam in Aegypto rarissime pluit, aut apparent nubes, quoniam si quandoque pluerit in aestate, terra muribus adimpleur. [Sidenote: Nubia.] Terra Aegypti continet in longitudine dietas quindecim, in latitudine fere tres, et habet triginta dietas deserti: a finibus Aegypti vsque Nubiam, duodecim sunt dietae. Hi Nubij sunt Christiani, sed nigri, velut Aethiopes, vel Mauri.