"Mr Adamson, what are ye about?" he cried; "hae ye tint your reason a'thegither, that ye are gaun on rampauging like a madman that gate? Ye hae done the thing, sir, in your ill-timed rage, that ye ought to be ashamed of baith afore God and man." "Are ye for fighting, Rob Johnston?" said the farmer, struggling to free himself. "Do ye want to hae a fight, lad? Because if ye do, I'll maybe gie you enough o' that." "Na, sir, I dinna want to fight; but I winna let you fight either, unless wi' ane that's your equal; sae gie ower spraughling, and stand still till I speak to ye; for au ye winna stand to hear reason, I'll gar ye lie till ye hear it. Do ye consider what ye hae been doing even now? Do ye consider that ye hae been striking a poor orphan callant, wha has neither father nor mother to protect him, or to right his wrangs? and a' for naething, but a bit start o' natural affection? How wad ye like sir, an ony body were to guide a bairn o' yours that gate? and ye as little ken what they are to come to afore their deaths, as that boy's parents did when they were rearing and fondling ower him. Fie for shame, Mr Adamson! fie for shame! Ye first strak his poor dumb brute, which was a greater sin than the tither, for it didna ken what ye were striking it for; and then, because the callant ran to assist the only creature he has on the earth, and I'm feared the only true and faithfu' friend beside, ye claught him by the hair o' the head, and fell to the dadding him as he war your slave! Od, sir, my blood rises at sic an act o' cruelty and injustice; and gin I thought ye worth my while, I wad tan ye like a pellet for it." The farmer struggled and fought so viciously, that Johnston was obliged to throw him down twice over, somewhat roughly, and hold him by main force. But on laying him down the second time, Johnston said, "Now, sir, I just tell ye, that ye deserve to hae your banes weel throoshen; but ye're nae match for me, and I'll scorn to lay a tip on ye. I'll leave ye to Him who has declared himself the stay and shield of the orphan; and gin some visible testimony o' his displeasure dinna come ower ye for the abusing of his ward, I am right sair mista'en." Adamson, finding himself fairly mastered, and that no one seemed disposed to take his part, was obliged to give in, and went sullenly away to tend the hirsel that stood beside the fold. In the meantime the sheep-shearing went on as before, with a little more of hilarity and glee. It is the business of the lasses to take the ewes, and carry them from the fold to the clippers; and now might be seen every young shepherd's sweetheart, or favourite, waiting beside him, helping him to clip, or holding the ewes by the hind legs to make them lie easy, a great matter for the furtherance of the operator. Others again, who thought themselves slighted, or loved a joke, would continue to act in a different manner, and plague the youths by bringing them such sheep as it was next to impossible to clip.