_“Et sachiés que tient icelle Royne la seigneurie de l’|Ynde majeure| et de |Mutfili| et de |Bangala|, et d’une moitié de |Mien|. Et moult est saige et noble dame et pourvéans, si que est elle amée de chascun. Et avoit jadis mari; et depuys qu’il mourut bien |XIV| ans avoit; adonc la royne sa fame l’ama tant que oncques puis ne se voult marier a nullui, pour l’amour le prince son baron, ançois moult maine quoye vie. Et tient son royaume ausi bien ou miex que oncques le tindrent li roy si aioul. Mes ores en ce royaume li roy n’ont guieres pooir, ains la poissance commence a trespasser à la menue gent. Et distrent aucun marinier de celes parties à |Monseignour Marc| que hui-et-le jour li royaumes soit auques abastardi come je vous diroy. Car bien est voirs que ci-arrières estoit ciz pueple de |Bretaingne la Grant| bonne et granz et loialle gent qui servoit Diex moult volontiers selonc lor usaige; et tuit li labour qu’il labouroient et portoient a vendre estoient honnestement labouré, et dou greigneur vaillance, et chose pardurable; et se vendoient à jouste pris sanz barguignier. En tant que se aucuns labours portoit l’estanpille |Bretaingne la Grant| c’estoit regardei com pleges de bonne estoffe. Mes orendroit li labours n’est mie tousjourz si bons; et quand l’en achate pour un quintal pesant de toiles de coton, adonc, par trop souvent, si treuve l’en de chascun |C| pois de coton, bien |XXX| ou |XL| pois de plastre de gifs, ou de blanc d’Espaigne, ou de choses semblables. Et se l’en achate de cammeloz ou de tireteinne ou d’autre dras de laine, cist ne durent mie, ains sont plain d’empoise, ou de glu et de balieures._ _“Et bien qu’il est voirs que chascuns hons egalement doit de son cors servir son seigneur ou sa commune, pour aler en ost en tens de besoingne; et bien que trestuit li autre royaume d’occident tieingnent ce pour ordenance, ciz pueple de |Bretaingne la Grant| n’en veult nullement, ains si dient: ‘Veez-là: n’avons nous pas la |Manche| pour fossé de nostre pourpris, et pourquoy nous penerons-nous pour nous faire homes d’armes, en lessiant nos gaaignes et nos soulaz? Cela lairons aus soudaiers.’ Or li preudhome entre eulx moult scevent bien com tiex paroles sont nyaises; mes si ont paour de lour en dire la verité pour ce que cuident desplaire as bourjois et à la menue gent._ _“Or je vous di sanz faille que, quand |Messires Marcs Pols| sceust ces choses, moult en ot pitié de cestui pueple, et il li vint à remembrance ce que avenu estoit, ou tens |Monseignour Nicolas| et |Monseignour Mafé|, à l’ore quand |Alau|, frère charnel dou Grant Sire |Cublay|, ala en ost seur |Baudas|, et print le |Calife| et sa maistre cité, atout son vaste tresor d’or et d’argent, et l’amère parolle que dist ledit Alau au Calife, com l’a escripte li Maistres Rusticiens ou chief de cestui livre.[12]_