But schorte efter, the Ingliche schippis mett with Capitain Culein, and seased him and his schippis,[37] quhiche maid thame a litill to muse. But suddentlie come Maister Alexander Wood, who had bein upoun the Admirall,[38] and assured Monsieur D'Osell, that thai wer Inglissmen, and that thai war the foir-ryderis of a gretter number that followed, who war send for the supporte of the Congregatioun. Thair mycht have bein seine the ryveing of a baird, and mycht have bein hard suche dispyte, as cruell men use to spew furth quhile as God[39] brydellis thair furie. Weariness and the nycht constrained thame to luge thair. Thai sowped skarslie,[40] becaus thair schippis war takein, in the quhilk was thair victuellis and ordinance, quhiche thai intendit to have placed in Sanctandrois. Thai thameselvis durst nocht stray abrod to seake; and the Laird of Weymmes cariage, whiche lykwyis was cumming with fournissing unto thame, was stayit. And thairfoir, bytymes in the mornyng, thai retired towardis Kinghorne, and maid more expeditioun in one day in returning, then thai did in two in marching fordward. [37] See note 3, page 11. [38] Mr. Winter, Vice-Admiral of the English fleet, which arrived at this time in the Frith of Forth, in the view of aiding the Protestants against the French auxiliaries. In the Appendix to Keith's History, (vol. i. p. 408,) are inserted the "Instructions given by the Queen's Majesty, to William Winter, Esq., Master of the Ordnance of her Majesty's Admiralty, sent at this present to the seas with fourteen armed ships to sail to Scotland," from a MS. in the Cottonian Library, written in the hand of Secretary Cecil, and dated 16th December 1559. [39] In Vautr. edit. "when God." [40] In Vautr. edit. "they supped scarsly." MS. G. reads, "they sleiped scarsly."