The storme, whiche had continuit neire the space of a moneth, brak in the verry tyme of thair reteiring, quhairby mony thocht thei sould have bein stayit, till that reasonabill cumpanie mycht have bein assemblit to have fouchtein thame; and for that purpois did Wilyeaume Kirkcaldy cut the Brig of Toullibody.[41] But the Frenche, expert aneuch in suche factis, tuik doun the roofe of a parish kirk, and maid a brig over the same watter,[42] called Dovane; and so thai eschapit, and come to Striveling, and syne to Leith. Yit in thair retourning thai lost dyverse; amongis quhome thair was one quhois miserable end we man rehers. As the Frenche spoilyied the countrye in thair retourning, one capitaine or soldiour, we cannot tell, bot he had a reid cloik and a gilt morrion,[43] entered upoun a poore woman, that dwelt in the Whytsyd, and began to spoyle. The poore woman offered unto him suche breid as sche had reddy prepared. But he, in no wayis thairwith content, wald have the meill and a lytill salt beiff whiche the poore woman had to susteine hir awin lyfe, and the lyves of hir poore chylderein; neather could tearis, nor [pitifull] wourdis,[44] mittigat the merciles man, but he wald have quhatsoever he mycht carie. The poore woman perceving him so bent, and that he stoupped doun in hir tub, for the taking foorth of suche stufe as was within it, first cowped up his heillis, so that his heid went doun; and thairefter, outher[45] by hirself, or if ony uther cumpanie come to help hir, but thair he endit his unhappie lyfe; God so punissing his crewell hairt, quho could nocht spair a misserable woman in that extremetie. "Let all suche soldiouris receve suche rewaird, O Lord, seing that thou art the revenger of the oppressed." [41] The village of Tullibody, in the parish of Alloa, and county of Clackmannan. Tullibody House, the seat of Lord Abercromby, is situated near the banks of the Forth. The Church, which was partially demolished by the French in January 1559-60, is a building of great antiquity. In the course of the last century, it was new roofed and repaired, to serve as the burial-place of the family, and has occasionally been used as a preaching station. The destruction of the Church of Tullibody is mentioned in the several histories of the time. Although the French were enabled to "make ane sure passage, baith for horsemen and footemen," to cross the water, and came to Stirling on the 28th of that month, Pitscottie relates, that they had to remain "all that night in Fotherik Muire, without either meat or drink, and many of them were slaine or they could get the bridge prepaired."