upoun you and your hoill Realme, but also that sick libertie brede contempt, and in the end seditioun, yf remeady in tyme be not provided,[745] quhilk in our judgement is impossible, yf sevir punishement be nott executed for the cryme committed: Thairfoir, we maist humblye beseik your Grace, that all affectioun sett asyd,[746] ye declair your self so uprycht in this caise, that ye may geve evident demonstratioun to all your subjectis, that the fear of God, joyned with the luif of the commoun tranquillitie, have principall seat and dominioun in your Grace hearte. This farther, Madam, of conscience we speik, that as your Grace in Goddis name does crave of us obedience, (whilk to render in all thingis lauchfull we ar most willing,) so in the same name do we, the hoill Professouris of Christis Evangell within this your Grace Realme, crave of you and of your Counsall scharpe punishement of this cryme; and for performance thairof, that without all delay the principall actouris of this most haynous cryme, and the persewaris of this pretended vilanye, may be called befoir the Cheaf Justice of this Realme, to suffer an assise, and to be punished according to the lawes of the same: And your Grace's answer maist humilie we beseik. [745] In the Book of the Kirk, "gudlie provydit." [746] In the Book of the Kirk, "laid asyde." * * * * * [Sidenote: THE MASK OF ORLEANCE.] This Supplicatioun was presented by diverse gentilmen. The flatteraris of the Courte at the first stormed, and asked, "Who durst avow it?" To whom the Maister, now Lord Lyndesay answered, "A thousand gentilmen within Edinburgh." Otheris were eschamed to appone thame selfis thairto in publict; but thei suborned the Quene to geve a gentill answer unto such tyme as the Conventioun was dissolved. And so sche did; for sche lacks no craft, boyth to cloik and to manteane impietie (and hurdome in especiall.) Sche alledged, "That hir Uncle was a strangear, and he had a young cumpany; but sche should putt suche ordour unto him, and unto all otheris, that heareafter thei should have no occasioun to compleane." And so deluded sche the just petitioun of hir subjectis; and no wounder, for how shall sche punische in otheris that vice, which in France is free without punishement, and which Kingis and Cardinallis use most commonlie, as the mask and dansing of Orleance can witness, whairin virgenis and menis wyeffis war maid as commoun to King Harie and Charles, the Cardinallis, unto thair Courte and pages, as commoun harlottis of the bordell ar unto thair compainzeonis. The maner was thus: