Que le Diable apparoissoit quelque fois en forme de boucq au Sabath; ne la veu en autres formes; qu'au departir, ill se faisoit baiser la derriere, leur demandant quant reviendroyent: les exhortoit qu'eussent a adherer tousiours a luy: et faire des maux, et pour cest effet leur bailloit certaines pouldres noires envelopees dans ung drapeau, pour en ietter sur ceux qu'ils vouloyent ensorcerer: qu'au departir du Sabath le Diable s'en alloit d'un coste et eux de l'autre: appres les avoir toutes prinses par la main: Qu'a l'instigation du Diable elle en a jette sur plusieurs personnes et bestes: notament sur _Jean Jehan_, lors qu'il vint chez elle querir ung pourceau. Item, sur l'enfant _James Gallienne_, et sur aultres: Item, sur les bestes de _Brouart_ et aultres. Que c'estoit le Diable qui fut veu ches le susdit _Gallienne_, en forme de rat et bellette, ycelle estant pour lors aux environs de la maison du dit _Gallienne_, et s'estant venu rendre a elle en resemblance d'homme, la frapa de plusieurs coups par le visage et teste: dont estoit ainsy meurdie et deschiree lors que fut veuee le lendemain par _Thomas Sohier_. Et croit que la cause de ce maltraitement fut pour ce que ne voulut aller avec le Diable chez le dit _Gallienne_. Qu'elle n'alloit point au Sabath sinon lors que son mary estoit demeure la nuict en pescherie a la mer. Que lors qu'elle vouloit ensorceler quelcun, sa poudre estant faillie, le Diable s'aparoissoit a elle, luy disant qu'allast en querir en tell endroit qu'il luy nommoit, ce qu'elle faisoit, et ne falloit d'y en trouver. CONFESSION OF ISABEL BECQUET.