“What workes a wyfe should do in generall. First in the mornyng when thou art wakéd and purpose to rise, lift up thy hãd & blis the & make a signe of the holy crosse ... and remembre thy maker and thou shalte spede muche the better, & when thou art up and readye, then firste swepe thy house; dresse up thy dyscheborde, & set al thynges in good order within thy house, milke yᵉ kie, socle thy calues, sile up thy milke, take up thy children & aray thẽ, & provide for thy husbandes breakefaste, diner, souper, & for thy children & seruauntes, & take thy parte wyth them. And to ordeyne corne & malt to the myll, to bake and brue withall whẽ nede is. And mete it to the myll and fro the myll, & se that thou haue thy mesure agayne besides the tole or elles the mylner dealeth not truly wyth the, or els thy corne is not drye as it should be, thou must make butter and chese when thou may, serue thy swine both mornyng and eueninge, and giue thy polen meate in the mornynge, and when tyme of yeare cometh thou must take hede how thy henne, duckes, and geese do ley, and to gather up their egges and when they waxe broudy to set them there as no beastes, swyne, nor other vermyne hurte them, and thou must know that all hole foted foule wil syt a moneth and al clouen foted foule wyl syt but three wekes except a peyhen and suche other great foules as craynes, bustardes, and suche other. And when they haue brought forth theyr birdes to se that they be well kepte from the gleyd, crowes, fully martes and other vermyn, and in the begynyng of March, of a lytle before is time for a wife to make her garden and to get as manye good sedes and herbes as she can, and specyally such as be good for the pot and for to eate & as ofte as nede shall require it muste be weded, for els the wede wyll ouer grow the herbes, and also in Marche is time to sowe flaxe and hempe, for I haue heard olde huswyues say, that better is Marche hurdes then Apryll flaxe, the reason appereth, but howe it shoulde be sowen, weded, pulled, repealed, watred, washen, dried, beten, braked, tawed, hecheled, spon, wounden, wrapped, & ouen. It nedeth not for me to shewe for they be wyse ynough, and thereof may they make shetes, bord clothes, towels, shertes, smockes, and suche other necessaryes, and therfore lette thy dystaffe be alwaye redy for a pastyme, that thou be not ydell. And undoubted a woman cannot get her livinge honestly with spinning on the dystaffe, but it stoppeth a gap and must nedes be had. The bolles of flaxe whan they be rypled of, muste be rediled from the wedes and made dry with the sunne to get out the seedes. How be it one maner of linsede called lokensede wyll not open by the sunne, and therefore when they be drye they must be sore bruien and broken the wyves know how, & then wynowed and kept dry til peretime cum againe. Thy femell hempe must be pulled fro the chucle hẽpe for this beareth no sede & thou muste doe by it as thou didest by the flaxe. The